اوتگن هفته چهارشنبه کونی یولگه قوییلگن تورت کونلیک ایچکی تولیدات و ایکینچیلیک محصولات نینگ بهاری کورگزمه‌سی بوگون (شنبه، ۱۵-ثور)، یکونلندی.
مذکور کورگزمه گه شرکت ایتگنلردن قطاری، اونینگ یولگه قوییلگنی‌دن خورسند‌لیک قیلیب ایتیشلریچه، ایچکی و تشقی سوداگرلردن بیر قطار بویورتمه‌لر قولگه کیلتیرگنلر.
بیزلرنینگ «ایکس» ترماغی ده هم تعقیب قیلینگ!
مذکور کورگزمه گه شرکت قیلگن و هرات زعفران شرکتی مسئولی محمد جاوید نینگ ایتیشیچه، اوشبو کورگزمه‌ده ۵ میلیون افغانی‌لیک ایکی بیتیم نی امضالگن.
جاوید نینگ کوپه‌یتیریشیچه: «بیر کیلو زعفران ۱۵۰مینگ بوله‌دی و چین ده تشقی مشتریلر بیلن ۲۰ کیلو‌لیک بیر بیتیم نی امضا قیلدیک که اونینگ توپلم ارزشی ۳ میلیون افغانی بوله‌دی و شونینگدیک ایچکی بیر بیتیم امضا قیلدیک که ارزشی ۲ میلیون افغانی بوله‌دی. شو رقم توپلم شکلده ۵ میلیون افغانی گه ایکی بیتیم نی آلالدیک.»
سولری برق دستگاه‌لری شرکتی مسئولی لال محمد نینگ ایتیشیچه، اوشبو کورگزمه نینگ یولگه قوییلیشی بیلن نیچه بویورتمه قولگه کیلتیرگن.
لال محمد نینگ کوپه‌یتیریشیچه: «بویورتمه‌لردن بیری نینگ ارزشی ۲۵مینگ دالر ایدی و ۱۲ مینگ دالر باشقه هم بار که ۱۰۰ کیلووات بولگنی‌ده ارزشی ۷۵ مینگ دالر بوله‌دی و توپلم شکلده کمیده ۱۵ میلیون دالر بولیشی ممکن.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، تورت کونلیک ایچکی تولیدات و ایکینچیلیک محصولات نینگ بهاری کورگزمه‌سی یکونی‌ده ایکینچیلیک، سووغاریش و چاروه‌چیلیک وزیرلیگی مسئوللری نینگ ایتیشلریچه، اوشبو کورگزمه خصوصی سکتور‌دن حمایت قیلیش مقصد یولگه قوییلگن.
اوشبو وزیرلیک سوزلاوچیسی مصباح‌الدین مستعین نینگ ایتیشیچه: «اوشبو کورگزمه‌ده اون میلیون افغانی‌لیک نیچه بیتیم امضالندی و ۱۰۰دن آرتیق شرکت مذکور کورگزمه گه شرکت قیلیب و اولردن هر بیری ایکی-اوچ بیتیم نی قولگه کیلتیرگنلر و شونینگدیک مینگلرچه کیشی اوندن کوریب چیققن.»
ایکینچیلیک وزیرلیگی مسئوللری گه کوره، اوشبو کورگزمه‌ده ۲۶۳دن آرتیق غرفه قوییلیب و بو غرفه‌لردن ۵۶ ته‌سی عیال‌لر گه اختصاص بیریلگن ایکن.
