بوگون بلخ ولایتی مرکزی مزارشریف شهری‌ده تدبیرکار عیال‌لرنی قوللب-قوتلش و ایچکی تولیدلر نینگ تانیتیش مقصد تورت کونلیک کورگزمه یولگه قوییلگن.
خلق‌ارا تشکیلاتی نینگ مالی حمایتی بیلن یولگه قوییلگن بو کورگزمهده قریب ۱۰۰ غرفه‌ده، ایچکی تولیدلر، قول صناعتی و محلی آوقت‌‌لر نمایش گه قوییلگن.
بیزلرنینگ فیسبوک صحیفه‌میزگه باش اورینگ!
بلخ صناعت و کان‌لر اتاقی مسئوللری نینگ ایتیشلریچه، اوشبو کورگزمهده قریب ۷۰ غرفه عیاللر گه اختصاص بیریلگن.
بلخ صناعت و کان‌لر اتاقی مسئولی امام‌الدین سنایی‌زاده نینگ ایتیشیچه: «خلق‌ارا ایش تشکیلاتی نینگ مالی حمایتی بیلن سوداگرلیک اتاقی و صناعت و کان‌لر اتاقی آرقه‌لی یولگه قوییلگن اوشبو کورگزمهده، قریب ۱۰۰ غرفه‌ده ایچکی تولیدلر و عیاللر قول صناعتی نمایش گه قوییلگن.»
شونده‌ی بیرحالده، مذکور کورگزمهده شرکت قیلگن عیاللر نینگ ایتیشلریچه، قول توقیمه‌لری تانیلیشی و عیاللر نینگ قوللب-قوتلنیشی اوچون بو کبی کورگزمه‌لر یولگه قوییلیشی مهم دیر.
تدبیرکار عیاللر، سرپرست حکومت تامانیدن تولید‌لری نینگ ساتیلیشی اوچون بازار یره‌تیلیشینی ایسته‌گنلر.
اوشبو عیاللردن بیری رابعه نینگ ایتیشیچه: «کوپراق کورگزمه یولگه قوییلیشی، تولید‌لریمیز نینگ برچه ولایت‌لرده ساتیلیشی و یشاوچیلر خارجی تولیدلر اورنیده اوز مملکتی‌میز نینگ تولید‌لریدن قوللنیشلری نی ایسته‌میز.»
شونینگدیک مذکور عیاللردن باشقه بیری عالیه نینگ ایتیشیچه: «ساتیشلریمیز اونچه یخشی ایمس. ایچکی و تشقی بازار یوق. قول صناعتی تنزل گه یوز توتماقده. خام ماده‌لر بهاسی یوقاری دیر.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، اوشبو کورگزمه نینگ آچیلیش چاغی‌ده شمال زونی‌ده خلق‌ارا ایش تشکیلاتی نماینده‌سی زواتی صورتی، اوشبو تشکیلات نینگ عیاللردن حمایت قیلیشی گه دوام بیریشی خصوصیده ایشانچ بیریب و بلخ محلی حکومتی‌دن تدبیرکار عیاللر فعالیتی اوچون مناسب ایش فرصت‌لر یره‌تیلیشینی ایسته‌گن. «بلخ محلی حکومتی‌دن تدبیرکار عیاللر گه مناسب ایش فرصت‌لری یره‌تیلیشی اوچون، سعی و حرکت قیلیشلرینی ایسته‌یمیز.»
میلادی اوشبو ییل‌ده، بو عیاللر تامانیدن کیچیک و بویوک تجارت‌لرنی قوللب-قوتلش اوچون قول توقیمه‌لر و ایچکی تولیدلر بیرینچی کورگزمه‌سی بولیب و بلخ ولایتی ده یولگه قوییلگن.
