چقه‌لاق‌لر و آنه‌لر دن حمایت قیلیش هفته‌سیدن نشانلش مناسبتی بیلن بوگون (سه‌شنبه، ۲۳-عقرب)، کابل ده تدبیرکار عیاللر نینگ تشبثی و صناعت و سوداگرلیک وزیرلیگی نینگ یاردمی بیلن، خدیجه‌الکبرا عنوانی ده عیاللر اوچون عیاللر نینگ قول توقیمه و تولیدلری ییتتی کون‌لیک کورگزمه‌سی آچیلدی.
معلومات و مدنیت وزیرلیگی ده عیاللر نینگ قول توقیمه ایشلری بوییچه ایش بیلرمان آرزو رامین نینگ ایتیشیچه، اوشبو کورگزمه عیاللر نینگ قول توقیمه و وطنی محصولات‌لری گه بازار قیدیریش مقصدیده یولگه قوییلگن.
او نینگ کوپه‌یتیریشیچه: «بو کورگزمه ده تیکووچیلیک، شیرینلیک پیشیریش، اویمه‌کارلیک، خامک‌دوزلیک، قالین توقیش، چنته تیکیش و باشقه ایشلب چیقریش بولیم‌لر ده عیاللر نینگ تولیدلری، ییتتی کونگچه کورگزمه گه قوییلگن.»
بیزلرنینگ فیسبوک صحیفه‌میزگه باش اورینگ!
تدبیرکار عیاللردن بیرقطاری، بو کبی محصولات‌لری گه بازار تاپیش اوچون بو گَل کورگزمه‌لر آچیلیشینی ایجابی دیه بهاله‌یدیلر.
عیاللر نینگ قول توقیمه و تولیدلری ساتووچیلری دن عایشه قاضی نینگ ایتیشیچه، اوشبو کورگزمه ده عیاللر نینگ قول توقیمه و تولیدلرینی کورگزمه گه قویگنلر.
اونگه کوره: «بیرینچی مرته ملی و خلق‌ارا کورگزمه ده اشتراک قیلدیم، حکومت دن تدبیرکار عیاللر نینگ تولیدلری کوپراق ساتیلیشی اوچون اولر دن حمایت قیلیشینی ایسته‌یمیز.»
مذکور کورگزمه ده عیاللر نینگ قول توقیمه و تولیدلری ساتووچیلری دن شیرین اکبری، محصولات‌لری سوداسی و بازار قیدیریش اوچون بو کبی کورگزمه‌لر یولگه قوییلیشینی اونیملی بیله‌دی.
او نینگ کوپه‌یتیریشیچه: «کییم_کیچک و تقینچاق‌لر اوز تولیدیمیز دیر، بو کورگزمه عیاللر اوچون اونیملی دیر و تدبیرکار عیاللر نینگ کییم_کیچگی ساتیله‌دی.»
بیزلرنینگ «ایکس» ترماغی ده هم تعقیب قیلینگ!
شونینگدیک، مذکور کورگزمه ده اشتراک ایتگنلردن بیرقطاری نینگ ایتیشلریچه، عیاللر نینگ قول توقیمه و تولیدلرینی قوللب_قوتلش و ساتیب آلیش اوچون بو کورگزمه گه اشتراک قیلگنلر.
اوشبو کورگزمه ده اشتراک ایتگنلر دن فریده گه کوره، عیاللر نینگ قول توقیمه‌لری و تولیدلری دن حمایت قیلیش اوچون بو مناسب فرصت دیر.
او نینگ ایتیشیچه: «عیاللر بیر_بیراوی یانیده بولیشی اوزی بیر فرصت دیر و بیز اوندن حمایت قیلیشی‌میز کیره‌ک و عیاللر بو ییر گه کیلیب احتیاج‌لرینی ساتیب آلیش‌لری ممکن.»
معلومات و مدنیت وزیرلیگی مسئوللری نینگ ایتیشلریچه، مذکور کورگزمه ده ۹۳۰ دن آرتیق غرفه ده عیاللر نینگ قول توقیمه و تولیدلری نمایش گه قوییلگن.
ایتیش کیره‌ک، بو کورگزمه ده چیکلاو یره‌تیلیب و یالغیز خاتین قیزلر اشتراک ایته آله‌دیلر.
