بادغیس ده قیشلاق خاتین قیزلری قول صناعتی اوچ‌کون‌لیک کورگزمه‌سی، اولر نینگ قول صناعتی رواجلنیشی و محصولات‌لری گه مناسب بازار قیدیریش مقصدیده یولگه قوییلگن.
بادغیس ولایتی خاتین قیزلری نینگ تجارتی مارکیت مسئولی عطیبه توخی گه کوره، اوشبو کورگزمه ده ۳۰۰ عیال نینگ قول صناعتی نمایش گه قوییلیب و اوچ کونگچه دوام تاپه‌دی.
او نینگ ایتیشیچه: «بو کورگزمه یولگه قوییلیشیدن مقصد متشبث عیاللر و تشقری ده‌گی ایشلاوچی خاتین‌لر اورته‌سیده مناسبت‌لرنی مستحکم‌لش، اولر کیلیب مارکیت ده‌گی خاتین قیزلر نینگ قول صناعت‌لرینی کوریش و عکسینچه بولر اولر نینگ تولیدلری بیلن آشنا بولیشی دیر.»
بیزلرنینگ فیسبوک صحیفه‌میزگه باش اورینگ!
باشقه تاماندن، مذکور کورگزمه ده قول صناعتی و تولیدلرینی نمایش گه قویگن عیاللردن بیرقطاری نینگ ایتیشلریچه، حاضرگی قلتیس شرایط ده بو گَل کورگزمه‌لر یولگه قوییلشی اولر نینگ ایشلش گه ترغیب قیله‌دی.
اولر، دولت و مؤسسه‌لردن قیشلاق ده‌گی خاتین قیزلر نینگ حمایت قیلیب و تولیدلری گه مناسب بازار تاپیشینی سوره‌یدیلر.
بادغیس ده سوداگر عیال شکیبا شیرزی نینگ ایتیشیچه: «اوشبو محیط ده قول صناعتیمیزنی کورگزمه گه قوییش اوچون بیز گه ایزین بیریش‌لریدن خورسندمیز، عیاللر نینگ اقتصادی احوالی یخشی ایمس، بیز گه یاردم بیریلسه خورسند بوله‌میز و بیز ایشیمیز گه دوام بیریش کوچی گه ایگه‌میز.»
شونینگدیک، بادغیس ده سوداگرلر عیاللردن باشقه بیری فریبا گه کوره: «ترشی، مربا، قتیق کبی لبنیات‌لریمیزنی بو ییرده کورگزمه گه قویگن‌میز، اسلام امیرلیگی دن محصولاتیمیزنی کورگزمه گه قوییش اوچون زمینه یره‌تیشیدن خورسندمیز، بیزنی حمایت قیله‌دیگن بولسه خورسند بوله‌میز.»
بیزلرنینگ توییترده هم تعقیب قیلینگ!
شو بیلن بیرگه، مذکور کورگزمه ده اشتراک ایتگن بادغیس معلومات و مدنیت باشلیغی مطیع‌الله متقی گه کوره، عیاللر یخشی فضا ده فعالیت‌لری گه دوام بیریش اوچون، اسلام امیرلیگی قیشلاق خاتین قیزلری نینگ قول صناعتی و سوداگر عیاللردن حمایت قیله‌دی.
بادغیس خاتین قیزلری نینگ تجارتی مارکیت مسئوللری گه کوره، بو؛ قلعه‌نو شهری شامل قادس و مقر تومن‌لری قیشلاق خاتین قیزلری نینگ قول صناعتی و تولیدلری بیرینچی کورگزمه‌سی دیر.
