اولکه بویلب خاتین قیزلر ایش و تعلیم دن محروم ایتیلیشی بیلن، تخار ده اوقووچی و طلبه قیزلردن قطاری، قول صناعتی گه یوز کیلتیرگنلر.
قیزلر یوزی گه مکتبلر ایشیگی یاپیلیشیدن کیین، تخار ده قول صناعتی گه یوز کیلتیرگن اونینچی صنف اوقووچیسی برشنا نینگ سلاموطندار گه ایتیشیچه: «اونینچی صنف اوقووچیسی من، اوی ده بیکارلیگیم اوچون قول صناعتی گه یوز کیلتیردیم. بیرینی تیکیش اوچون اوچ آی زحمت چیکهمن، اونی بازار گه آلیب کیلگن ده یخشی خریداری یوق.»
تخار مرکزی تالقان شهری ده ۴۵ یاشر ریزهگل، قیشلاق قیزلری گه بلوچی تیکهلر، دستکول و یخن توزیع قیلماقده ایتیشیچه، اوندن بلوچی تیکهلرنی ساتیب آلهدیگنلردن کوپی اوقووچی یا ده بیلیم یورت دن فاروغ بولگن قیزلر دیر.
بیزلرنینگ فیسبوک صحیفهمیزگه باش اورینگ!
اونگه کوره: «تیار بولگندن کیین، شهر گه آلیب کیلیب برچه دوکانلر گه آلیب بارهمیز، مناسب قیمت گه ساتیب آلگن آدم گه بیرهمیز، ۵۰۰ گچه ساتیب آلمسه، اوزلری گه آلیب کیلیب تاپشیرهمیز.»
تخار ده عیال صناعت طزکارلریدن باشقه بیری شیرینگل نینگ سلاموطندار گه ایتیشیچه: «کوپ قیینلیک بیلن تیکیب بازار گه آلیب کیلهمیز، ۵۰۰ خریداری یوق بیر نسخه دارو پولی بولمهیدی، مجبورلیک دن تیکهمیز.»
تخار ده قول صناعتی سوداگرلری و ایشلب چیقروچیلر نینگ ایتیشلریچه، بوندن آلدین قیشلاق یشاوچیلری کَشته تیکر ایدیلر؛ بیراق حاضر مذکور ولایت مرکزی تالقان شهری دهگی خاتین قیزلر قول صناعتی گه یوز کیلتیریشگن.
شو بیلن بیرگه، قول صناعتی سوداگری عبدالقدیم اوچقون، عیاللر نینگ قول صناعتی سوداسی اوچون مناسب بازار یوقلیگیدن شکایت قیلیب ایتیشیچه، سونگی آیلرده چیت ایل اولکهلری گه اوشبو صناعت نینگ صادراتی قیینچیلیک بیلن روپهره بولگن.
او نینگ سلاموطندار گه ایتیشیچه: «تأسف بیلن نه ایچکی خریدار بار و نه هم خارجی خریدار، سفر ویزهسی بیریلمسلیگی اوچون چیت ایل گه آلیب باره آلمهیمیز و ایچکی خریداری هم یوق، سابق ده یالغیز کمبغل عیاللر قول صناعتی تیکر ایدیلر و حاضر یاش قیزلر هم یوز کیلتیرگن، تولید نیچه برابر آشگن.»
بیزلرنینگ توییترده هم تعقیب قیلینگ!
عینحالده، تخار صناعت و سوداگرلیک آمری ضیآالدین دلاور، اوشبو ولایت ده قول صناعتی رواجلنیشینی تصدیقلب ایتیشیچه، یقینده تخار ده قول صناعتی کورگزمهسی یولگه قوییلیشی ممکن.
او نینگ کوپهیتیریشیچه: «سوداگرلر تجارت جوازینی آلیشلری ممکن، سالیق توللش و ایشلری یخشیلنیشی بولیمیده اولرنی رسمی روشده معرفی قیلهمیز، پاسپورت آلیب و چیت ایل گه سودا قیله آلهدیلر.»
عینحالده، قیزلر یوزی گه مکتبلر و بیلیم یورتلر ایشیگی یاپیلیشیدن کیین، کوپ سانده قیزلر و عیاللر، یالغیز و ایشسیز قالمسلیکلری اوچون قول صناعتی گه یوز کیلتیرگنلر.