تخار ده «امید حیات» انسان پرور بیر نهاد، اوشبو ولایت ده بیرینچی مرته ۱۵ ییگیت نینگ توپلم توی مراسمینی اوتکزگن.
مذکور نهاد باشلیغی محمدابراهیم حبیبی نینگ سلاموطندار گه ایتیشیچه، اولکه یشاوچیلری نینگ اقتصادی قیینچیلیگی طفیلی اوشبو برنامه نی یولگه قویگنلر.
اونگه کوره، بیرینچی مرته تخار ده سیناو شکلده اوشبو برنامه نی یولگه قویگنلر و اونهشیلیشلریدن اوچ ییل دن ۱۰ ییل اوتگن ییگیتلر، مذکور برنامه ده قتنشگن.
بیزلرنینگ فیسبوک صحیفهمیزگه باش اورینگ!
امید حیات انسان پرور نهاد مسئولی محمدابراهیم حبیبی نینگ ایتیشیچه: «تیکشیریش جریانی یکونیدن کیین توی قیلیش توانی بولمهگن ۵۰ کیشی بیز گه مراجعت قیلدی، باشقه برنامهلریمیز بار و تخار دهگی کمبغل کیشیلرنی قوللب_قوتلش گه دوام بیرهمیز.»
اولر، اوشبو برنامه یولگه قوییلیشیدن اساسی مقصد، جمعیت ده ناقانونی رسم_عنعنات گه چیک قوییش، کمبغل یاشلرنی قوللب_قوتلش عنوان قیلهدیلر.
تخار ولایتی رستاق تومنی یشاوچیسی رفیعالله گه کوره، اقتصادی قیینچیلیک باعث توی قیله آلمهگن و حاضر توپلم توی مراسمی ده اشتراک قیلیب و توی مراسمی اوتکزیلیشیدن خورسند دیر.
او نینگ سلاموطندار گه ایتیشیچه: «اونهشیلگنیمدن بیش ییل اوتماقده ایدی، توی خرجتینی تأمینلش اوچون ایران گه باریب ایشلر ایدیم، حاضر توی مراسمی اوتکزیلیشیدن خورسند من، بو برنامه بولمهگنده ایدی، ۱۰ ییل نامزد قالیشیم ممکن ایدی.»
اوشبو مراسم ده اشتراک ایتگنلردن باشقه بیری یارمحمد گه کوره، توی سالونی گه کیریش بیلن خورسند بولیب و بوندهی قولیلیک بیلن توی مراسمی اوتکزیلیشینی کوتمهگن. او، کمبغل و اقتصادی قیینچیلیگی بولگنلر اوچون بو کبی مراسملر اوتکزیلیشینی طلب قیلهدی.
بیزلرنینگ توییترده هم تعقیب قیلینگ!
او نینگ کوپهیتیریشیچه: «اوچ ییل دن بیری نامزد ایدیم، کمبغل عایله دن من و توی قیلیش اوچون پولیم یوق ایدی، بو مراسم تشکیلاتچیلریدن منتدارلیک بیلدیرهمن.»
عینحالده، تخار دهگی دین عالملریدن بیرقطاری بو کبی مراسملر اوتکزیلیشینی مثبت بهالب ایتیشلریچه، توی قیلیش جمعیت ده اخلاقی فساد نی یوق قیلهدی. او انسان پرور نهادلر و ملی سوداگرلردن مملکت نینگ حاضرگی شرایطی گه بناً، قشاق و کمبغل عایلهلرنی قوللب_قوتلش اوچون بو کبی برنامهلرنی یولگه قوییشلرینی طلب قیلهدیلر.
تخار ده دین عالمی محمودالحسن گه کوره: «دین عالملری بو کبی برنامهلر گه مشروعیت بیریب و اعلان قیلیشلری کیرهک و سوداگرلر دن بو کبی برنامهلرنی یولگه قوییش اوچون حصه قوشیشلرینی ایستهیمیز.»
مذکور نهاد مسئوللری نینگ ایتیشلریچه، اوشبو ۱۵ جفت نینگ توی مراسمی ده ایکی مییلیون افغانی دن آرتیق صرفلنگن.
عینحالده، مملکت نینگ قطار ولایتلریده کوپ سانده یاشلر، اقتصادی قیینچیلیک و توی خرجتلرینی تأمینلهی آلمسلیک باعث، خارجی مملکتلر گه مهاجر بولهدیلر.