تخار خوفسیزلیک مسئوللری نینگ ایتیش‌لریچه، اوشبو ولایت نینگ هزار سموچ تومنی‌ده بیر کیشی نامعلوم شکلده اولدیریلگن.
تخار امنیه قوماندان‌لیگی سوزلاوچیسی عبدالمبین صافی نینگ ایتیشیچه، یک‌شنبه کیچه، ۲۴ ثور، هزار سموچ تومنی نینگ «مسکین» قیشلاغی اصلی یشاوچیسی بولمیش سارالدین اسم‌لی ایرکک، جمعه‌خان اسم‌لی بیر کیشی تامانیدن اولدیریلگن.
بیزلرنینگ فیسبوک صحیفه‌میزگه باش اورینگ!
جناب صافی گه کوره، سارالدین اوتگن کیچه جمعه‌خان اویی‌ده مهمان ایکن که، فاجعه‌لی بیر شکلده اولدیریلیب و طویله گه یاشیریلگن، بیراق هزار سموچ تومنی امنیه قوماندان‌لیگی نینگ انیق معلوماتیدن کیین، متهم کیشی قولگه آلینگن.
تخار امنیه قوماندان‌لیگی سوزلاوچیسی نینگ کوپه‌یتیریشیچه، واقعه قنده‌ی‌لیگینی انیقلش اوچون تیکشیریش‌لرینی باشله‌گنلر.
