بوگون (پنجشنبه، ۱۵ سرطان) هرات ده «امام سجاد» خیریه جمغرمه‌سی تامانیدن ییتتینچی دور، ۵۰ جفت نینگ توپلم توی مراسمی اوتکزیلگن.
اوشبو احتفال نی یولگه قوییگن سید‌علی رضوی نینگ سلام‌وطندار گه ایتیشیچه، هر بیر جفت گه قریب ۲۵ مینگ افغانی‌‌لیک خرید قیلینگن. اونینگ کوپه‌یتیریشیچه، «امام سجاد» خیریه جمغرمه‌سی آز خره‌جت و کوپینچه امکانیت بیلن، توی قیلیش گه امکانیتی بولمه‌گن کیشی‌لر گه توی مراسمی نی یولگه قوییش اوچون سعی و حرکت قیله‌دی.
بیزلرنینگ توییترده هم تعقیب قیلینگ!
اوشبو توی مراسمی‌ده‌گی تازه کویاو مصطفی حسنی، بو کبی برنامه‌لر نینگ یولگه قوییلگنی‌دن خورسند‌لیک بیلدیریب ایتیشیچه: «بیر یریم ییل نامزاد بولگنیم‌دن اوتگن ایدی و اقتصادی قیینچیلیکلر سبب، توی قیلیش گه کوچیم ییتیشمسدی. اقتصادی وضعیتیم یخشی ایمس ایدی و توی مصرفلریم نی تیار قیله آلمس ایدیم.»
مذکور توی مراسمی‌ده‌گی کویاو‌لردن باشقه بیری بازمحمد حسینی، افغانستان ده قشاق‌لیک گرافی نینگ یوقاری بولگنی گه اشاره قیلیب ایتیشیچه، مملکت‌ده توپلم شکلده توی مراسم‌لر یولگه قوییلیشی نینگ کوپه‌یشی کیره‌ک. حسینی نینگ کوپه‌یتیریشیچه: «بو فرهنگ نی جمعیتده رواجلنیشی اوچون خورسند‌مین. اوشبو جفت‌لر ییگیتلر نینگ مملکت‌دن قاچیشی گه توسیق بوله‌دیلر. خیرلی انسان‌لردن توپلم شکلده توی مراسملری نینگ کوپه‌یتیریلیشی‌نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، فرهنگی ایش بیلرمانی نینگ ایشانچی گه کوره، عایله شکل‌لنیشی نینگ آسان‌لنیشی اوچون، توپلم شکلده توی مراسملری نینگ یولگه قوییلیشی اهالی فرهنگی نینگ بیر بولیمی بولیشی لازم.
هرات ده مدنیتچیلردن بیری سید‌کاظم موسوی نینگ ایتیشیچه: «جمعیتده ییگیتلر روپه‌ره بولگن قیینچیلیکلر گه حل یول تاپیلیشی اوچون بیز مدنیت‌چیلر نینگ سعی و حرکت قیلیشی‌میز کیره‌ک.»
افغانستان ده اقتصادی قیینچیلیکلر نینگ کوپلیگی و توی خره‌جتی نینگ یوقاریلیگی، ییگیت‌لردن کوپ قطاری نینگ، ایسته‌گنلری یاش‌دن توی قیلیب مشترک بیر حیات باشله‌‌ی آلمه‌یشلری گه سبب بولگن.
