بوگون حیاتلری نینگ بیرینچی لحظه‌سی نی بیرجا جشن آلگن زوج‌لر، توی مراسم‌لری نی باشقه‌‌لردن فرقلی، گروهی شکلده و آز خره‌جت بیلن یولگه قوییگنلر.
مذکور زوج‌لر تورلی ولایت‌لردن بلخ مرکزی مزارشریف شهری‌ده بیر جا حسنیه مدرسه همکار‌لیگی بیلن، بوگون مشترک حیاتلری نی باشلگنلر.
بیزلرنینگ فیسبوک صحیفه‌میزگه باش اورینگ!
اولر نینگ ایتیش‌لریچه، اضافه مصرف‌‌لردن توسیق بولیش اوچون، توی مراسم‌لری نی توپلم شکلده آلگنلر.
مذکور توپلم توی مراسمی تورت میلیون افغانی‌دن آرتیق خره‌جت کوتارگن که، اوشبو خره‌جت عیال‌لر گه خاص دینی بیر مدرسه (حسنیه مدرسه) آرقه‌لی توللنگن. شونینگدیک اوشبو زوج‌لر گه ۳۵ مینگ افغانی جهیزیه هم بیریلگن دیر.
توپلم توی مراسمی نی یولگه قوییگنلر بو کبی توی‌لر نینگ یولگه قوییلیشی‌دن مقصد، ناپسند فرهنگ‌لر نینگ رواج‌لنمه‌یشی و جماعه‌ده توی مراسم‌لری نینگ آز هزینه بیلن یولگه قویلیشی دیگنلر.
بیزلرنینگ توییترده هم تعقیب قیلینگ!
دین‌عالم‌لردن قطاری توپلم توی مراسمی نینگ یولگه قویلیشی‌دن خورسند‌لیک بیلدیریب ایتگنلر که، بو اسلامی جماعه‌ده نیک بیر عمل دیر.
ایتیش کیره‌ک که، بو مزارشریف ده یولگه قوییلگن بیرینچی توپلم توی مراسمی ایمس؛ بلکیم بوندن آلدین هم بلخ ده ییگیت‌لردن کوپ قطاری توی مراسم‌لری نی گروهی بیر شکلده آلگنلر.
