بوگون توش دن آلدین (پنجشنبه، ۱۸ حوت) بلخ ده اویوشتیریلگن خودکش هجوم عاقبتیده اوشبو ولایت حاکمی محمد داوود مزمل شامل اوچ کیشی هلاک بولگن و باشقه ایکی کیشی یرهلنگن.
بلخ امنیه قوماندانلیگی سوزلاوچیسی محمدآصف وزیری نینگ ایتیشیچه، خودکش هجومچی پارتلش واسکتی بیلن آلدیندن ولایت مقامی گه کیریب جناب مزمل ییتیب کیلیشی بیلن ولایت مقامی دهلیزی ده اوزینی پارتلتگن.
بیزلرنینگ فیسبوک صحیفهمیزگه باش اورینگ!
بلخ امنیه قوماندانلیگی سوزلاوچیسی نینگ کوپهیتیریشیچه: «بوگون توش دن آلدین ساعت ۹:۰۰ اطرافی ده بلخ ولایتی مقامی ایکینچی قووتیده اویوشتیریلگن خودکش هجوم عاقبتیده اوشبو ولایت حاکمی ایکی تینچ اهالی بیلن هلاک بولگنلر و والی صاحب نینگ باشقه ایکی قوریقچیسی یینگیل یرهلنگنلر، بوتوغریده تیرگاو باشلنگن و معلومات نی کیین میدیالر بیلن شریک قیلهمیز.»
باشقه تاماندن، بلخ معارف آمری محمدنعیم بلخی گه کوره، خاتینی نینگ آتهسی ولایت مقامی دفتری گه مراجعت قیلگنلردن ایدی و بوگونگی خودکش هجوم عاقبتیده هلاک بولگن.
عینحالده، بوگون ایرتهلب کابل شهری بیشینچی خوفسیزلیک حوزه حدودلریده پارتلش یوز بیرگن.
کابل امنیه قوماندانلیگی سوزلاوچیسی خالد زدران، مذکور حادثه ده هیچ کیم زیان کورمهگنینی معلوم قیلگن.
بیزلرنینگ توییترده هم تعقیب قیلینگ!
شونینگدیک خوفسیزلیک ایش بیلرمان صادق شینواری، اولکه بویلب ناتینچلیکلر کوپهیشیدن خواطر بیلدیریب ایتیشیچه، مملکت ده خودکش و پارتلش هجوملرنی آلدینی آلیش اوچون لازم و مسلکی تیارگرلیکلر هلیگچه کوریلمهگن.
مذکور حادثهلر مسئولیتینی حاضرگچه هیچ کیم یا گروه تن آلمهگن و خوفسیزلیک رسمیلر، اوشبو واقعهلر طفیلی تلفات رقمی کیین میدیالر بیلن شریک قیلینیشینی ایتگنلر.