بلخ ولایتی ساغلیق‌نی سقلش ریاستی مسئوللری نینگ ایتیشلریچه، اوشبو ولایت نینگ دولت‌آباد تومنی یشاوچیلری نینگ طلبی بیلن، مذکور تومنده ساغلیک بیر مرکز نینگ تمل تاشی قوییلگن.
بلخ ولایتی ساغلیق‌نی سقلش ریاستی مسئوللری گه کوره، مذکور ساغلیک مرکز نینگ تمل تاشی، سه‌شنبه کونی، ۲۸ سنبله، دولت‌آباد تومنی «هاشم‌آباد» قیشلاغیده قوییلگن و ایشی کیله‌سی اوچ آی گچه یکونله‌نیب و فایده‌لنیشگه تاپشیریلیشی کوتیله‌دی.
بیزلرنینگ فیسبوک صحیفه‌میزگه باش اورینگ!
اوشبو ساغلیک مرکز بیش میلیون افغانی عوضی گه محل یشاوچیلری نینگ طبی خذمت‌لردن فایده‌لنیش اوچون قوریلماقده دیدی، بلخ ساغلیق‌نی سقلش باشلیغی نجیب‌الله توانا.
او نینگ ایتیشیچه، مذکور ساغلیک مرکز نینگ ییری یشاوچیلر تامانیدن ساوغه قیلینگن و خرجتی هاشم‌آباد قیشلاغی یاردمی بیلن ساغلیق‌نی سقلش وزیرلیگی تامانیدن توله‌نیله‌دی.
بیزلرنینگ توییترده هم تعقیب قیلینگ!
بلخ ساغلیق‌نی سقلش باشلیغی نینگ کوپه‌یتیریشیچه، اوشبو ساغلیک مرکز نینگ ایشی یکونلنیشی بیلن، چمه‌سی ییتتی مینگ کیشی طبی خذمت‌لردن فایده‌لنه‌دیلر.
بلخ ولایتی دولت‌آباد تومنی اولسوالی و یشاوچیلری، مذکور ساغلیک مرکز قوریلیشیدن خورسندلیک قیلیب ایتیشلریچه، منطقه‌لریده ساغلیک مرکز یوقلیگی اوچون طبی خذمت‌لردن فایده‌لنه آلمر ایدیلر
