دایکندی ولایتی سنگ‌تخت و بندر تومن نینگ «سیاه‌چوب» قیشلاق یشاوچی‌لری، شخصی پول‌لری بیلن بیر ساغلیک مرکزی نینگ تمل تاشی نی قوییشگن. دایکندی ساغلیک ریاست مسئوللری نینگ ایتیش‌لریچه، بو مذکور تومن ده اهالی نینگ شخصی پولی بیلن قوریله‌دیگن ایکینچی ساغلیک مرکزی دیر.
دایکندی ساغلیک باشلیغی اسحاق‌علی درمان، اوشبو ساغلیک مرکزی نینگ تمل تاشی نی قویه‌دیگن بیرچاغده، اهالی نینگ ساغلیک بولیمیدن قیلگن حمایت‌لریدن قدردانلیک قیلیب ایتیشیچه، دایکندی ده حاضرگچه ۷ ساغلیک مرکزی اهالی نینگ شخصی پولی بیلن قوریلگن.
شونینگدیک اوتگن ییل مذکور تومن نینگ «میراثی» قیشلاغیده بیر دین عالمی شخصی پولی بیلن بیر ساغلیک مرکزی قورگن ایکن. عین حالده، اوتگن ییل دایکندی ولایتی شهرستان تومنی نینگ «چهاراسپان» و «صدخانه» قیشلاق یشاوچی‌لری هم شخصی پول‌لری بیلن بیر ساغلیک مرکزی قورگن ایکنلر.
دایکندی ساغلیک ریاست باشلیغی نینگ ایتیشیچه، بو و لایتده ۱۴۰ ساغلیک مرکزی فعال دیر، بیراق اولردن ۴۰ ته‌سی نینگ بناسی یوق.
دایکندی افغانستان مرکزیده قرار تاپیب و محروم ولایت‌لردن بیری دیر. مذکور ولایت یشاوچی‌لری هر دایم مرکزی حکومت نینگ توجه‌سیزلیگی دن تنقید قیلیشگن و سونگی ییل‌لرده اولر اوزلری شخصی پول‌لری بیلن یول، ساغلیک مرکزی، مکتب، مسجد، کوپریک و کوپریکچه قوریش اوچون سعی و حرکت قیلماقده.
