اسلام امیرلیگی نینگ قدرت گه ایریشگنیدن کیین، اوتگن کون (سه‌شنبه، ۱۸ دلو) بیرینچی مرته بغلان مرکزی پلخمری شهریده «بی‌بی صبری» باغیده عیاللر قول صناعتی نینگ کورگزمه‌سی یولگه قوییلگن.
عیاللر قول صناعتی کورگزمه مسئوللری بغلان ده عیاللر نینگ خودکفا بولیشی خصوصیده خورسند‌لیک بیلدیریب و اسلام امیرلیگی مسئوللریدن، عیاللر گه بو کبی کورگزمه‌لر نینگ کوپراق یولگه قوییلیشی نی ایسته‌گنلر.
بیزلرنینگ توییترده هم تعقیب قیلینگ!
عیاللر قول صناعتی ایش‌خانه مسئوللریدن بیری مژده الماس نینگ ایتیشیچه: «بیرینچی‌ده اسلام امیر‌لیگی‌دن بو کبی کورگزمه نینگ یولگه قویلگنی خصوصیده منت‌دارلیک قیله‌من چونکه، عیاللر نینگ ایشلب چیقاره‌دیگن کییم و نرسه‌لر نی نمایش گه قویه‌میز که، باشقه سینگل‌لریمیز اوندن استفاده قیلیب یا_ده ساتیب آلسه‌لر.»
شونینگدیک عیاللر قول صناعتی ایش‌خانه مسئوللریدن باسقه بیری نفیسه اعتبار نینگ ایتیشیچه: «ایش‌خانه‌میزده تورت بولیمی بار. چرمه دوزلیک، تیکووچیلیک، مهره دوزلیک و گل‌دوزلیک دیر. بونی توزتگنیم‌دن بیر ییل بوله‌دی. ایشلاوچیلریمیز نینگ سانی ۴۰ یا_ده ۴۵ کیشی دیر. اوتمیش‌ده ایشیمیز کیچیک ایدی و بویوک قیلیش نی ایسته‌دیک. بیزلر گه سهم بیرگنلری خصوصیده خرسند‌میز که بو رقم ایش‌لریمیز نی بازار گه ساتیشی‌میز ممکن.»
شونده‌ی بیرحالده، بغلان محلی مسئوللری عیاللر گه امنیت تامین‌لنیشی نی بیان قیلیب و ایتیشیچه، بغلان ده عیاللر قول صناعتی گه بازار تاپیش اوچون سعی و حرکت قیلماقده‌لر.
بغلان ولایتی معلومات و مدنیت ریاست رئیسی اسدالله هاشمی نینگ سلام‌وطندار گه ایتیشیچه: «امنیت تامین‌لنیشی الحمدالله برابر دیر، بو ایشیک‌ده عیال پولیس هم بار. قول صناعتی توزته‌دیگن عایله‌لر و قول صناعتی توزتیب و بازار گه عرضه قیله آلمه‌گن عیاللر اوچون شریک‌لریمیز بیلن هماهنگلیکده عیاللر قول صناعتی گه بازار تاپیش اوچون سعی و حرکت قیله‌میز.»
بیزلرنینگ فیسبوک صحیفه‌میزگه باش اورینگ!
اسلام امیرلیگی نینگ قدرت گه ایریشگنیدن کیین، بیرینچی مرته بغلان مرکزی پلخمری شهریده عیاللر قول صناعتی اوچون کورگزمه یولگه قوییلیگن که، اوشبو کورگزمه‌ده ۴۰ گه یقین عیاللر قول صناعتی ایش‌خانه‌سی نمایش گه قوییلگن و مذکور کورگزمه اوچ کونگچه دوامی بار.
