بوگون پنجشنبه، امام ابوحنیفه خلق‌ارا کورگزمه‌سی، ایچکی سرمایه یاتقیزووچیلر و منطقه مملکت‌لر سوداگرلری نینگ حضوری بیلن آچیلیب و ییتی کونگچه دوام تاپه‌دی.
مذکور کورگزمه ده منطقه سوداگرلری و سرمایه یاتقیزوچیلری، افغانستان خاتین قیزلری نینگ قول صناعتی و ایچکی تولیدلرینی کوریش اوچون اشتراک ایتگنلر.
بیزلرنینگ توییترده هم تعقیب قیلینگ!
سوداگرلیک و سرمایه یاتقیزووچی اتاق اورین‌باسری یونس مهمند نینگ ایتیشیچه: «مذکور کورگزمه وطنی محصول‌لر و قول صناعتی گه بازار تاپیش مقصدی‌ده سوداگرلر آره‌سیده یولگه قوییلگن. اوشبو کورگزمه گه ۶۰۰دن آرتیق کیشی نینگ حضوری بار.»
مذکور کورگزمه گه آچار، مربا و قول صناعتی نی نمایش گه قوییگن حبیبه جبار‌خیل نینگ ایتیشیچه، محصوللری نینگ بو یول‌دن ساتیلیشی گه امید‌وار دیر.
مذکوز کورگزمه‌ده سوداگرلیک و صناعت وزیرلیگی سرپرستی نورالدین عزیزی، اهالی‌دن مملکت اقتصادی ترقیاتی اوچون، وطنی محصوللردن قوللنیش‌لری نی ایسته‌گن.
اونینگ کوپه‌یتیریشیچه: «مکتب‌لر، مسجد‌لر، قریه‌‌دن قریه گه وطنی محصوللردن قوللنیشی خصوصیده پروسه‌لر نی یولگه قوییگن‌میز که بو رقم مملکت‌ده وطنی محصوللردن قوللنیشی کوپه‌یه‌دی.»
باشقه بیر تامان‌دن، مذکور کورگزمه نینگ آچیلیش بولیمی‌ده، اسلام امیرلیگی رهبری هبت‌الله آخوند‌زاده نینگ سیسلی پیامی نی ترقه‌تگنلر که، اوشبو پیام‌ده افغانستان‌دن تشقیده حیات کیچیره‌دیگن سوداگرلردن، قیته مملکت گه کیلیب و مملکت نینگ خودکفا بولیشی اوچون سرمایه یاتقیزیش‌لری نی ایسته‌گن.
بیزلرنینگ فیسبوک صحیفه‌میزگه باش اورینگ!
اسلامی امیرلیگی رهبری هبت‌الله آخوند‌زاده نینگ پیامی‌ده کیلگن که: «مملکت‌دن تشقیده حیات کیچیره‌دیگن سوداگرلر، قیته مملکت‌گه کیلیب و مملکت نینگ خودکفا بولیشی اوچون سرمایه یاتقیزسین‌لر.»
افغانستان سرمایه‌یاتقیزووچیلر و سوداگرلیک اتاقی مسئوللری گه کوره، مذکور کورگزمه‌ده ۵۶۵دن آرتیق غرفه ایجاد بولگن که، بو آره‌ده ۱۰۷ غرفه‌ده‌سی عیال‌لر گه اختصاص بیریلگن.
