۲۱ سپتمبر خلق‌ارا صلح کونی گه ماس دیر. اوشبو کون ایتیب کیلیشی بیلن، افغانستانده‌گی عیاللردن قطاری نینگ ایتیشلریچه، اوشبو مملکتده حاضرگچه واقعی صلح برقرار بولمه‌گن.
بوگون (چهارشنبه، ۳۰ سنبله) خلق‌ارا صلح کونی مناسبتی بیلن، کابل ده اوتکزیلگن ییغینده خاتین قیزلردن بیر قطاری نینگ ایتیشلریچه، ساغلیک، فزیکی، وظیفه‌وی امنیت‌سیزلیک، مهاجرت، خاتین قیزلر گه تعلیم شرایطی یوق‌لیگی، افغانستان بویلب واقعی صلح یوق‌لیگیدن درک بیره‌دی.
مذکور ییغینده اشتراک ایتگنلر، افغانستان یشاوچیلریدن بیرلیک و برابرلیک اوچون تلاش قیلیب، تیل، حزب و قومی تعصب گه چیک قوییش‌لرینی طلب قیلدیلر.
بیزلرنینگ فیسبوک صحیفه‌میزگه باش اورینگ!
عیال حقوقی فعالی صدیقه فضلی گه کوره: «محلی رهبرلر، دانش‌مندلر، ضیالی‌لر، یاشلر و مدنی فعاللر، ملی وحدت و برادرلیککه قول تاپیش اوچون سعی و حرکت قیلیش‌لری کیره‌ک.»
سلام‌وطندار بیلن صحبت اوتکزگن عیال فعاللریدن قطاری نینگ ایتیشلریچه، افغانستانده دایمی صلح برقرار ایتیلیشی گه باشقه مملکت‌لر توسیق بولگن.
عیال حقوقی فعالی سکینه نظری نینگ ایتیشیچه: «واقعی صلح هیچ زمان برقرار بولمه‌یدی؛ چونکه بو برنامه باشقه مملکت‌لر تامانیدن ریجه‌لشتیریلگن و افغانستان نی ملی منفعت‌لری میدانی اوله‌راق تعریف قیلیشه‌دی.»
بیزلرنینگ توییترده هم تعقیب قیلینگ!
باشقه تاماندن، اوشبو عیال حقوقی فعاللری اسلامی امارت دن تنقید قیلیب ایتیشلریچه، بو حکومت اوتگن بیر ییل ده افغانستان بویلب واقعی صلح تأمین ایتیلیشی مقصدیده هیچ بیر ایش قیلگنی یوق دیر. اولر نینگ ایتیشلریچه، اسلامی امارت افغانستان ده صلح برقرار ایتیلیش آرتیده بولگن حالده، دستلب آلتینچی صنف دن یوقاری قیزلر نینگ مکتب‌لرینی آچیشی کیره‌ک، چونکه بیلیم دایمی صلح برقرار ایتیلیشی گه یاردم بیره‌دی.
عین‌حالده، مملکت نینگ حاضرگی نسبی تینچ‌لیگیدن خورسند عیاللردن قطاری، روانی و ذهنی تینچ‌لیک یوق‌لیگیدن شکایت قیله‌دیلر. اولر گه کوره، قیزلر نینگ تعلیم دن محروم بولیشی، فکرلرینی پریشان قیلگن.
بیرلشگن ملت‌لر تشکیلاتی ۱۹۸۱ییل ۵۷_عمومی ییغینیده، ۲۱ سپتمبرنی خلق‌ارا صلح کونی مسمی قیلدی.
