۸ مارچ، خلق‌ارا خاتین قیزلر بیردملیک کونی بیلن صلح و آزادلیک اوچون افغان خاتین قیزلری نینگ مؤسسه اعضالری، اسلامی امارت رسمی‌لریدن انیق خواهش-ایستک‌لری بار. مذکور نهاد اعضالری، اساسی حقوق‌لری گه قول تاپیش‌لرینی سوره‌یدیلر. اولر نینگ ایتیشلریچه، اسلامی امارت جامعه‌ده عیاللر نینگ حضوری اوچون زمینه یره‌تیب واولر گه فعالیت اجازه‌سی بیریلیشینی طلب قیله‌دیلر.
مذکور نهاد اعضالریدن بیری ستاره سادات خلق‌ارا خاتین قیزلر بیردملیک کونی مناسبتی بیلن کابل‌ده اوتکزیلگن ییغین‌ده ایتیشیچه، نامعلوم وضعیت اولر نینگ قیینچیلیکلرینی آرتیریب و تقدیر سیز بیر حالتده قرار تاپگن‌لر.
بیزلرنینگ فیسبوک صحیفه‌میزگه باش اورینگ!
ستاره سادات نینگ ایتیشیچه: «بیز اسلامی امارت رسمی‌لریدن، مسئول اوله‌راق اسلام قانون-قاعده‌لری اساسیده، تعلیم و تحصیل، ایش حقی، سیاسی مشارکت حقی و تینچ حیات‌نی حاضرگی زمان‌ده قبول قیلینگن نرسه‌لر اساسیده تأمین ایتیشنی طلب قیله‌میز.»
خلق‌ارا خاتین قیزلر بیردملیک کونی، اسلامی امارت تامانیدن نشانلنمه‌دی، لیکن اسلامی امارت تشقی ایشلر وزیرلیگی بیر بیانه ترقه‌تیب، عیاللر نینگ قیینچیلیکلری حل ایتیلیشی اوستیگه تأکید ایتگن.
عین‌حالده، افغانستانده بیرلشگن ملت‌لر تشکیلاتی نینگ اورین باسرلیک هیاتی یا یوناما، خاتین قیزلر وضعیتیدن خواطر بیلدیریب، عیاللر نینگ حضوری بولمه‌گنده، دایمی تینچلیک برقرار ایتیلیشی ممکن سیز دیگن.
بیزلرنینگ توییترده هم تعقیب قیلینگ!
خلق‌ارا کیچیریم تشکیلاتی خلق‌ارا خاتین قیزلر کونی مناسبتی بیلن، بیر مکتوب آرقه‌لی برچه دولت‌لردن افغان عیاللرینی حمایت ایتیش لرینی طلب قیلگن. شونینگدیک بشر حقوقینینی کوزه‌تیش تشکیلاتی، افغان خاتین قیزلری نینگ حقوقی یوق ایتیلیشی، دنیا خاتین قیزلری‌نی آگاه لنتیریش دیر دیه هشدار بیرگن.
