باختر دولتی آژانسی نینگ اعلام قیلیشیچه، معارف وزیرلیگی بیر اطلاعیه ترقه‌تیب ایتگن دیر که (اورته و لیسه) مکتب‌لری اوشبو وزیرلیک نینگ یینه بویروغ بیرگونیگه قدر باشلنمه‌یدی.
اطلاعیه‌گه کیلیشیچه، اسلامی شریعت بویروغی و افغانلر نینگ عرف – عاداتلری و فرهنگی اساسیده قیز اوقوچی‌لر نینگ کییمی طرح قیلینگن صورتده، اسلامی امارت رهبرلیگی بویروغی اساسیده، قیزلر نینگ مکتبی باشله‌نیشی ممکن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اوتگن کون معارف وزیرلیگی، مملکت بوتون ولایت‌لریده بیرینچی صنف دن اون ایکینچی صنف‌گچه مکتب‌لر قیز اوقوچی‌لر یوزیگه آچیلیشیدن خبر بیرگن ایدی.
اسلامی امارت افغانستانده حاکم بولگن‌دن بویان ۶ینچی صنف دن یوقاری قیز اوقوچی‌لرگه مکتب باریش اوچون رخصت بیریلمه‌گن دیر. اسلامی امارت نینگ بو ایشی برابریده بیرقطار خلق‌ارا تشکیلات‌لر عکس‌العمل کورستدیلر بیراق، اسلامی امارت هردایم بو توغریده ینگی لایحه توزه‌تیش اوستیگه تاکید قیلگن دیر.
شونینگدیک معارف وزیرلیگی نینگ مسئول‌لری حوت آیی نینگ ۸ ده مکتب‌لر آچیلیشی توغریسیده‌گی لایحه نهایی بولگنیدن خبر بیرگن ایدی.
شونینگدیک معارف وزیرلیگی سوزلاوچیسی عزیزاحمد ریان نینگ سلام‌وطندار گه ایتیشیچه، مکتب‌لر آچیلیش لایحه‌سی تصویب ایتیلیش اوچون کابینه گه یوباریله‌دی، و تصویب ایتیلگن صورتده مکتب‌لر، ۶ینچی صنف‌دن یوقاری بولگن قیز اوقوچی‌لر یوزیگه آچیله‌دی.
بیزلرنینگ توییترده هم تعقیب قیلینگ!
اوشبو وزیرلیک اوتگن کون اعلام قیلگن ایدی که برچه مکتب‌لر، مدرسه‌لر تعلیمی نهادلر بوگون (چهارشنبه ۳، حمل) دن باشلب آچیله‌دی. و اعلامیه‌ده کیلیشیچه، اوقووچی‌لر، اوقیتوچی‌لر، مکتب‌لر، مدرسه‌لر و تعلیمی نهادلر«شرعی وملی معیارلر» اساسیده کییم و یونیفورم نی نظرده توتیشلری کیره‌ک.
