اسلامی امارت معارف وزیرلیگی نینگ مسئوللری، قیزلر نینگ مکتبی آچیلیش طرحی نهایی بولیشیدن خبر بیریب ایتیشلریچه، بو طرح کون ایرته کابینه گه یوباریلیشی کوتیلهدی.
معارف وزیرلیگی سوزلاوچیسی عزیز احمد ریان نینگ سلام وطندار گه ایتیشیچه، قیزلر نینگ مکتبی آچیلیش طرحی تصدیقلهنیشی اوچون کون ایرته کابینه گه یوباریلهدی و بو طرح کابینه تامانیدن تصدیقلهنیشیدن کیین، آلتینچی صنفدن یوقاری اوقووچیلرگه مکتب باریش ایزینی بیریلهدی.
بیزلرنینگ فیسبوک صحیفهمیزگه باش اورینگ!
اسلامی امارت معارف وزیرلیگی سوزلاوچیسی نینگ کوپهیتیریشیچه، قیز و اوغیل بالهلر مکتبلری علیحیده بولیشی، اوقووچیلر تامانیدن اسلامی حجاب رعایت ایتیلیشی و قیز اوقووچیلری عیاللر تامانیدن تدریس بولیشی اوشبو طرحده سیغیشتیریلگن موردلردن عبارت دیر.
گرچند معارف وزیرلیگی مکتبلر نینگ سبقلری ۱-حملده باشلهنیشیدن خبر بیرسهده، لیکن قیز اوقووچیلر هلیگچه اسلامی امارت کابینهسی قراریدن خواطردهلر.
اولر نینگ ایتیشلریچه، مکتب باریش اجازهسی بیریلمهگنیدن بویان کیلهجک لریدن تشویشده لر. اولر اسلامی امارتدن، ینگی تعلیمی ییل باشلهنیشی بیلن، قیزلر گه هم ییگیت بالهلر کبی مکتب باریش رخصتی بیریلیشینی طلب قیلهدیلر.
بیزلرنینگ توییترده هم تعقیب قیلینگ!
بو عینحالده، اسلامی امارت حاکمیت نی قولگه آلیشیدن کیین، ۶-صنفدن یوقاری قیز اوقووچیلری گه مکتب و عالی درگاهلر گه باریش اجازهسی بیریلمهگن، گرچند بو مسئله خلقارا تشکیلاتلر تامانیدن قاره لنسهده، بیراق قیزلر نینگ مکتبی آچیلیش طرحی تصدیقلهنیشیدن هیچ قندهی خبر یوق.