۱۴۰۰- تعلیمی ییل باشله‌نیشی بیلن مکتب‌لرنینگ اوقووچی‌لری بیرقطار قیین‌چیلیکلر بیلن روپه‌ره بولیب و درس‌لریگه دوام بیره آلمه‌گنلر. مملکتده کرونا ویروسی نینگ ۳- تولقینی ترقه‌لیشی و وضعیت نینگ بحرانی بولگنی سبب، مکتب‌لر نامعلوم مدت گچه تعطیل بولگن.
کرونایی وضعیت یخشی‌لنگنیدن سونگ، مکتب‌لر تدریجی شکلده آچیلدی و تعلیمات جریانی قیته باشلندی، بیراق اسلامی امارت نینگ مملکتده حاکم بولگنی تعلیمی نظام‌گه زیان ییتیشتیردی و مکتب‌لر ایکینچی مرته تعطیل بولدی.
مملکت ده اسلامی امارت حاکم بولگنیدن بیر آی اوتگنیدن سونگ، معارف وزیرلیگی بیر اعلامیه نشر قیلیب مکتب‌لرنینگ قیته باشلنگنیدن خبر بیردی، لیکن ۶- صنفدن یوقاری بولگن قیزلرگه مکتب باریش اوچون رخصت بیریلمه‌گن.
قیزلرنینگ مکتب باریش‌لری اوچون اسلامی امارت تامانیدن رخصت بیریلمه‌گنی، ملی و خلق ارا واکنش‌لر بیلن روپه‌ره بولیب و اولر معارف وزیرلیگی نینگ بو قراریدن تنقید قیلگنلر. حاضرده اسلامی امارت مسوول‌لری نینگ ایتیش‌لریچه، قیزگه عاید مکتب‌لری نینگ آچیلیشی اوچون ینگی ریجه‌لر اوستیگه ایشله‌یدیلر.
اسلامی امارت سوزلاوچیسی نینگ اورین باسری احمدالله وثیق نینگ سلام‌وطندارگه ایتیشیچه، اسلامی امارت قیزلرگه تعلیمات زمینه‌سینی یره‌تیشگه تعهدلی دیر و تینچ فضا یره‌تیلگنیدن سونگ، درس‌لرنینگ دوام تاپیشی ممکن. «بو ییلده باشله‌نیشیدن امیدوار میز؛ چونکه قیته دن آچیلیشی خصوصیده ایش‌نی دوامی بار.»
ایتیلیشیچه، معارف وزیرلیگی قراریدن سونگ، اوقووچی‌لری نیچه مرته بوتوغریده بولگن خواطرلرینی بیان قیلگنلر. اولر، اسلامی امارت مسووللریدن مکتب‌لرنینگ قیته آچیلیشی اوچون سعی و حرکت قیلیش‌لرینی سوره‌گنلر.
