معارف وزیرلیگی بیر اعلامیه نشر قیلیب مکتب‌لرنینگ ایرکک اوقووچی‌لریدن بوگون “شنبه” مکتب‌لرگه حضور تاپیش‌لرینی سوره‌گن، لیکن اوشبو اعلامیه‌ده قیز اوقووچیلر سرنوشتی خصوصیده قرار قیلینمه‌گن.
معارف وزیرلیگی تامانیدن نشر ایتیلگن اعلامیه، قیز اوقووچی‌لرنینگ جدی واکنش‌لری بیلن روپه‌ره بولگن.
اوقووچی‌لرنینگ ایتیش‌لریچه، معارف وزیرلیگی نینگ ینگی قراریده قیز اوقووچیلر سرنوشتی خصوصیده صحبت قیلینمه‌گن و بو مسله تعلیمی جریان‌گه زیان ییتیشتیرگن.
بیزلرنینگ فیسبوک صحیفه‌میزگه باش اورینگ!
مکتب اوقووچی‌لریدن بولمیش فریبا و خدیجه نیکزاد نینگ ایتیشیچه، اسلامی امارت‌نی تعلیمات‌دن حمایت قیلیش خصوصیده بیرگن ایشانچی‌گه عمل قیلشی کیره‌ک و قیزلرگه مکتب باریش اوچون رخصت بیریلیشی لازم.
عین‌حالده، معارف وزیرلیگی سابق رسمی‌لریدن بیرقطاری نینگ ایتیش‌لریچه، مملکت ده تعلیم بیریش جریانی یخشی شکلده ایلگری کیتیشی اوچون قیزلر و ایرکک‌لرنی تعلیم کوریش‌گه دوام بیریش‌لری کیره‌ک.
معارف وزیرلیگی نینگ سابق اورین باسری صدیق پتمن نینگ سلام‌وطندارگه ایتیشیچه، تعلیمی محیط ایری بولگنی باعث، قیزلرگه تعلیم کوریش زمینه‌سی یره‌تیلگن و اسلامی امارت‌نی بوتوغریده دقت قیلیشی کیره‌ک.
سابق حکومت‌ده قیز اوقووچیلر تعلیم کوریش بولیمیده جدی قیین‌چیلیک بیلن روپه‌ره بولگن ایدی و حاضرده هم اسلامی امارت قیز اوقووچی‌لرگه قرشی بیرقطار چیکلاولرنی یره‌تگن.
