تخار مرکزی تالقان شهری ده قیز اوقووچیلردن بیرقطاری، درسی صنف‌لرده بولیب و کتاب‌وقلم بیلن تیریکچیلیک قیلیش اورنیده، بیر لقمه نان تاپیش مقصدیده، بازار ده نان ساته‌دیلر.
اولر نینگ ایتیشلریچه، اسلام امیرلیگی قدرت گه ایریشیدن کیین، اولکه بویلب آلتینچی صنف دن یوقاری قیزلر یوزی گه مکتب‌لر یاپیلیشی، خاتین قیزلر گه یره‌تیلگن چیکلاولر و اقتصاد ضعیف‌لشی باعث، اولر ایریم قیینچیلیکلر بیلن دوچ بولگنلر.
اسلام امیرلیگی حاکمیتنی قولگه آلیشیدن کیین، مکتب باریش دن محروم ایتیلگن فرشته نینگ سلام‌وطندار گه ایتیشیچه: «مکتب‌لرنی آچسین‌لر. بیز درس اوقینیک، تیزراغ تحصیلی‌میزنی بیتتیره‌یدیک، کانکور سیناوی بیریب و پوهنتون اوقیه‌ی‌نیک؛ کیله‌جک گه یخشی موقف گه ییتیب و عایله‌میز نینگ خرجتینی تأمینله‌یدیک. بو نان ساتیش دن هیچ درآمد قیله آلمه‌یمیز. درس‌لریمیز گه دوام بیریش اوچون مکتب‌لر آچیلیشی کیره‌ک.»
فرشته یانیده اولتیرگن نان ساتووچیلردن باشقه بیری ساجده نینگ ایتیشیچه، کیله‌جک ده شفاکار بولیشنی آرزو قیلردی؛ لیکن حیات قیینچیلیکلری اونی بوحالت گه کیلتیرگن.
بیزلرنینگ فیسبوک صحیفه‌میزگه باش اورینگ!
او ییتینچی صنف اوقووچیسی دیر ایتیشیچه: «آتم وفات قیلگن و آنم نان پیشیره‌دی و مین ایسه بازار گه آلیب کیلیب ساته‌من، بعضی وقت‌لر ساتیله‌دی و بعضی وقت‌لر ساتیلمه‌یدی، بوگون هیچ نان ساته آلگنیم یوق، اوتگن کون یخشی ایدی.»
عایله‌لری نینگ خرجتینی تأمینلش اوچون نان ساتووچیلیک قیله‌دیگن زهرا گه کوره، عایله ده ایرکک سرپرست یوق‌لیگی، ییگولیک ماده‌لر قیمت‌لیگی و اجاره اوی ده یشش باعث، بیر ییل دن بویان اوشبو ایش گه یوز کیلتیرگن. او جمهوریت توزومیده توقیزینچی صنف اوقووچیسی ایدی، تیریکچیلیک قیینچلیکلری گه علاوه، ایرکک‌لر تامانیدن جنسی اذیت بولیشیدن شکایت قیله‌دی.
اونگه کوره: «شام پیتی ییگیت‌لر کوپ کیلیب بیزنی اذیت قیله‌دیلر، بیزدن تیلیفون رقم سوره‌یدیلر. ایرکک‌لر بیلن بیر جای ده میز؛ انده_سانده ایرکک‌لر کیلیب بیزنی قولیمیزنی اوشله‌یدی و یامان گپلرنی ایتیشه‌دی. ایشانینگ تیریکچیلیک دن زیریکیب رنج ایلته‌میز، اقتصادی قیینچیلیک بولمه‌گنده ایدی، بو ییرده کیلیب نان ساتمسدیک.»
شو بیلن بیرگه، تخار امنیه قوماندان‌لیگی سوزلاوچیسی عبدالمبین صافی، ایرکک‌لر تامانیدن اوشبو قیزلر اذیت بولیشینی رد قیلیب ایتیشیچه، بوتوغریده حاضرگچه شکایت بولمه‌گن.
بیزلرنینگ توییترده هم تعقیب قیلینگ!
باشقه تاماندن، تالقان بلدیه سوزلاوچیسی حیات‌الله صفری گه کوره: «عیاللر نینگ ایشلشی شرعی می یوق، عالملر کینگشی و امر معروف و نهی منکر ریاستی بیلن ییغیلیش اوتکزه‌میز، شرعی لحاظ دن اجازه بولسه، اولر اوچون مخصوص مکان تیارله‌ی میز.»
اولکه ده عیال ایشلاوچیلر سانی بیللی بولمسه ده؛ بیراق کوپ سانده عیاللر قشاق‌لیک و عایله‌لریده ایرکک سرپرست بولمسلیگی باعث، عایله‌لری نینگ خرجتینی تأمینلش اوچون شهر یا ده مردم نینگ اوی‌لری گه باریب ایشلشگه مجبور دیر.
