فاریاب‌ده محلی میدیالر مسئول‌لری نینگ ایتیشلریچه، اسلامی امارت ایکینچی مرته قدرت گه ایریشی بیلن، اوشبو ولایتده‌گی محلی میدیالر اقتصادی قیینچیلیککه روپه‌رو بولیب و محلی آلتی رادیو نینگ نشراتی توخته‌گن.
فاریاب خبرچی‌لر مصونیت کمیته مسئولی و مذکور ولایتده تمنا رادیو نینگ نشرات ایشلری بوییچه مدیری فیروز غفوری نینگ ایتیشیچه، میدیالردن حمایت ایتووچی نهادلر، محلی ییتکیرمه‌لر نینگ اقتصادی وضعیتی‌گه دقت قیلمه‌گن تقدیرده، فاریاب ولایتی بویلب قالگن میدیالر فعالیتی توخته‌یشی ممکن.
بیزلرنینگ فیسبوک صحیفه‌میزگه باش اورینگ!
فاریاب ژورنالیست‌لر ملی اتفاق باشلغی قطب‌الدین کوهی گه کوره، جمهوریت تیزیمی قوللشی و اسلامی امارت قیته‌دن حاکم بولیشیدن کیین، اقتصادی قیینچیلیک باعث خصوصی ۱۰ صوتی رسانه‌دن، ۳ صوتی میدیا و بیر دولتی رادیو قالگن و باشقه‌لری یاپیلگن.
جناب کوهی خبرچی‌لر نینگ قیینچیلیکلری گه اشاره قیلیب کوپه‌یتیریشیچه، فاریاب‌ده خبرچی‌لردن قطاری وظیفه‌لرینی قولدن بیریب و باشقه شخصی ایش‌لرگه قول اورگن‌لر.
بیزلرنینگ توییترده هم تعقیب قیلینگ!
عین‌حالده، فاریاب معلومات و مدنیت باشلیغی شمس‌الله محمدی گه کوره، محلی میدیالر نینگ قیینچیلیکلرینی حل قیلیش اوچون سعی و حرکت قیلماقده‌لر و اقتصادی مشکل حل بولیشی بیلن، محلی میدیالر قیته‌دن فعالیت گه باشلش‌لری ممکن.
بو عین‌حالده، اوتگن هفته فاریاب ولایتی بویلب اوزبیک تیلی‌ده کوپراق فعالیتی بولگن«میمنه» رادیوسی اقتصادی قیینچیلیک باعث فعالیتی توخته‌دی.
