پکتیا مرکزی گردیز شهری‌ده «پکتیا آوازی/ پکتیا غږ» خصوصی رادیو مسئول‌لری نینگ ایتیشلریچه، مذکور محلی رادیو نینگ نشراتی ۱۷ ییل فعالیت‌دن کیین، بوگون اقتصادی قیینچیلیک باعث توخته‌دی.
پکتیا آوازی رادیو مسئولی ذبیح‌الله ایوبی نینگ سلام‌وطندار گه ایتیشیچه، اقتصادی قیینچیلیک باعث اوشبو میدیا فعالیتینی توخته‌تگن.
بیزلرنینگ فیسبوک صحیفه‌میزگه باش اورینگ!
جناب ایوبی نینگ کوپه‌یتیریشیچه، اوشبو خصوصی رادیو قریب ۱۷ ییل گردیز شهری بویلب ۹۹اف‌اِم تولقینیده نشرات بیریب و اونگه علاوه، مذکور رادیوگه باغلیق ایکی چاپی میدیا نینگ، اقتصادی قیینچیلیک باعث فعالیتی توخته‌گن.
پکتیا آوازی رادیو مسئولی‌گه کوره: «رادیو نینگ اقتصادی قیینچیلیگینی نیچه مراتبه میدیا نهادلری بیلن شیریک قیلدیم؛ بیراق تأسف بیلن هیچ بیر نهاد بیز بیلن همکارلیک قیلمه‌دی.»
باشقه تاماندن، پکتیا معلومات و مدنیت باشلیغی خالق‌یار احمدزی نینگ سلام‌وطندار گه ایتیشیچه، پکتیا آوازی رادیو اقتصادی قیینچیلیک سبب نشراتینی توخته‌تگن و اولر اوشبو رادیو نینگ اقتصادی مشکلینی حل قیلیش مقصدیده سعی و حرکت قیلماقده‌لر.
حاضر پکتیاده ملی رادیو گه قوشیمچه، مذکور ولایتده ۵ خصوصی رادیو فعالیت آلیب بارماقده. بوندن آلدین «روان»، «ایمان غږ» و «اوښتون» رادیولری مالی قیینچیلیک باعث فعالیت‌لرینی توخته‌تیشگندی.
بیزلرنینگ توییترده هم تعقیب قیلینگ!
بو عین‌حالده، اسلامی امارت قدرت گه ایریشی و سابق دولت قوللشیدن کیین، بیرقطار ولایت‌لرده بعضی میدیالر اقتصادی قیینچیلیک و اسلامی امارت تامانیدن یره‌تیلگن ینگی چیکلاولر باعث، نشرات‌لرینی توخته‌تیشگه مجبور بولگن‌لر.
گزارش‌لر اساسیده، مملکت نینگ بیرقطار ولایت‌لریده محلی میدیالردن قطاری نینگ نشراتی توخته‌تیلیشی بیلن، خبرچی‌لر و میدیا ایشلاوچیلریدن بیرقطاری ایشلرینی قولدن بیریب و عایله‌لری نینگ خرجتینی تأمینلش اوچون باشقه ایشلرگه یوز کیلتیرگن‌‌لر.
