غور ده «سرحد» محلی رادیوسی مسوول‌لری نینگ اعلام قیلیشیچه، برق یوق‌لیگی، مالی قیین‌چیلیک و خبرچیلر وظیفه‌لرنی اوزگرتیرگنی باعث، سرحد رادیوسی نشراتی نی توختتگن.
غور ده سرحد رادیوسی نینگ مسوولی سیدمعروف سعیدی نینگ سلام‌وطندارگه ایتیشیچه، اوشبو رادیو نینگ فعالیتی توخته‌تیلیشی بیلن غور ولایتی نینگ یشاوچی‌لریدن کوپینچه‌سی، معلومات‌گه قول تاپیشدن محروم بولگن.
سرحد رادیوسی نینگ مدیری مسوولی‌گه کوره، حاضر یالغیز اجتماعی ترماقلر آرقه‌لی فعالیت‌لرینی دوام بیره‌دیلر.
سرحد رادیوسی، ۷ ییل‌دن آلدین غور ولایتی نینگ مرکزی فیروزکوه شهریده ایجاد ایتیلدی و «صدای عدالت» رادیوسی نینگ یانیده، اوشبو ولایت نینگ محلی حادثه‌لری نی پوشش بیریدی.
بیزلرنینگ فیسبوک صحیفه‌میزگه باش اورینگ!
مذکور محلی رادیو ده ۵ عیال شامل ۲۱ کیشی ایش قیله‌دی ایکن. بو رادیو نینگ فعالیتی خبری، تعلیمی، دینی، مدنی، سیاسی و انسانی حقوق گه تیگیشلی موضوع‌لر توغریسیده ایکن.
ایتیلیشچه، سابق دولت سقوط قیلگنیدن کیین، امنیتی تهدیدلر و یمان مالی وضعیت، خبرچیلر و رسانه‌لر نینگ ایکی بویوک قیینچیلیک‌لردن بولگن و رسانه فعال‌لری رسانه‌لر نینگ فعالیتی توخته‌تیلیشی دن خواطر بیلدیریشگن. گزارشلر اساسیده، مملکتده حاضرگه قدر کمیده ۱۵۳ رسانه نشراتی نینگ توخته‌تیش گه زورلنگن.
