بوگون ۱۳فبروری/ ۲۴ دلو، خلق‌ارا رادیو کونی دیر. افغانستان‌ده رادیو ایش‌گه باشله‌گنیدن قریب بیر قرن اوتسه‌ده، لیکن اوشبو صوتی میدیا مملکت بویلب حاضرگچه تینگلاوچیلرینی قولدن بیرمه‌گن.
رادیو بیرینچی مراتبه قویاش ۱۳۰۴-ییل، امان‌الله خان زمانیده فعالیت گه باشله‌‌دی. رادیو نینگ فعالیتی باشلنگنیدن حاضرگچه اوشبو میدیالر قیین کون‌لرنی باش‌دن کیچیریب و مملکتده‌گی سیاسی تیزیم‌لر اوزگریشی بیلن، رادیولر هم اوزگریش‌لر گه قره‌ب فعالیت قیلگن.
سیاسی تیزیم نینگ اسلامی جمهوریت‌دن اسلامی امارت گه اوزگریلیشی، رسانه‌لر نینگ نشراتی اوستیگه هم تاثیرگن قیلگن. سابق دولت سقوط قیلیشی و اسلام امارت قدرت گه ایریشیشی بیلن، میدیالر فعالیت‌لری‌نی اسلامی شریعت چوکاتیده دوام بیریش گه مجبور بولگن‌لر.
رسانه‌لردن حمایت قیلووچی نهادلر نینگ ایتیش‌لریچه، چیکلاو یره‌تیش رسانه‌لردن قطاری اینیقسه رادیو فعالیتی نینگ توخته‌یشی گه سبب بولگن.
بیزلرنینگ فیسبوک صحیفه‌میزگه باش اورینگ!
خبرچیلر مصئونیت کمیته اعضاسی جمیل وقار نینگ سلام‌وطندار گه ایتیشیچه، مملکت‌ده سیاسی تحولات‌دن کیین، رادیولردن یریمی نینگ فعالیتی توخته‌گن.
شونینگدیک جناب وقار نینگ ایتیشیچه، اوزگریش‌دن آلدین، مملکت نینگ تورلی ولایت لریده ۳۲۰ رادیو فعال ایدی؛ بیراق سونگی آلتی آی‌ده بو رقم ۲۰۰ میداگه کمه‌یدی.
ولایت لرده‌گی محلی رادیولر مسئول‌لری نینگ تاکیدلشلریچه، سیاسی اوزگریش اولر نینگ فعالیت لری اوستیگه سلبی تاثیر قیلگن.
اولر گه کوره، اسلامی امارت تامانیدن یره‌تیلگن چیکلاولر و مالی قیین‌چیلیکلر باعث، رادیو شامل اونلرچه رسانه نینگ نشراتی توخته‌ب و رسانه ایشلاوچیلریدن بیرقطاری ایش‌سیز بولگن.
بیزلرنینگ توییترده هم تعقیب قیلینگ!
برچه‌سی بیلن افغانستان یشاوچیلری نینگ اوقیمیشلی یا اوقمیش سیزلیگی و تلویزیون اوچون امکانیت یوقلیگی باعث، حاضرگچه رادیو مملکت بوییچه اوز مخلص‌لرینی قولدن بیرمه‌گن.
اولکه یشاوچیلری نینگ ایتیش‌لریچه، رادیو گه قولی‌لیک بیلن قول تاپیش و مصرفی آزلیگی اوچون کونیده نیچه ساعت رادیو دستورلرینی تینگله‌یدیلر.
شونده‌ی بیرحالده، اسلامی امارت قدرت گه ایریشگنی و رسانه‌لر برابریده چیکلاو یره‌تیلگنی خصوصیده‌گی گزارش‌لر اساسیده، ۷۰ فایزدن آرتیق رسانه‌نینگ فعالیتی توخته‌گن.
