افغانستان اسلامی امارت نینگ قدرت گه ایریشگنیدن کمیده ۷ آی اوتماقده، رسانه‌لر و خبرچیلر بو مدت‌ده تورلی قیین‌چیلیکلر بیلن روپه‌رو بولگنلر.
رسانه‌لردن قطاری مالی منبع‌لری نینگ یوقلیگی باعث، نشرات‌لری نی توخته‌تگنلر و شونینگدیک خبرچیلردن قطاری وظیفه‌لری نی قولدن بیرگنلر.
شولر گه علاوه، اسلامی امارت خبرچیلر نینگ معلومات گه قول تاپیش‌‌لری اوچون همکارلیک قیلمه‌یشی، خبرچیلر نینگ باشقه چیکلاو و قیین‌چیلیکلریدن دیر.
خبرچیلردن قطاری نینگ سلام‌وطندار گه ایتیشیچه، افغانستان‌ده اسلامی امارت نینگ قدرت گه ایریشگنیدن کیین، معلومات گه قول تاپیش کمه‌یگن و اسلامی امارت مسئوللری اولر بیلن همکارلیک قیلمه‌یدی.
سلام‌وطندار خبرچیسی داوود‌‌شاه مل نینگ ایتیشیچه، گزارشلری نی تیارلش اوچون هر زمان اسلامی امارت مسئوللری بیلن تماس آله‌دی و کوپی زمان اونینگ قونقراغی گه جواب بیریلمه‌یدی یا_ده اونینگ سوراقی گه قرشی جواب بیریله‌دی.
بیزلرنینگ فیسبوک صحیفه‌میزگه باش اورینگ!
او، معلومات گه قول تاپیش اوچون اسلامی امارت نینگ همکارلیک قیلمه‌یشی‌دن تنقید‌لب ایتیشیچه، اسلامی امارت سوزلاوچیلری مستقیم صحبت قیلیش اوچون حاضر ایمسلر و اولر نینگ سوراقلری نی وتسپ یولی آرقلی قول گه کیلتیره‌دیلر.
جناب مل نینگ ایتیشیچه، مسئوللر نینگ وتسپ یولی آرقلی جواب بیریشی بیلن خبرچی نینگ مشکلی حل بولمه‌یدی؛ چونکه اونگه کوره، وتسپ آرقلی یالغیز بیر یا_ده ایکی سوراق یوباریلر؛ لیکن سوراق‌لردن کوپ قطاری، سوراقلر جوابی نینگ بیریش جریانیده تاپیله‌دی که اولرنینگ جوابلری یقیندن مصاحبه بولیشی کیره‌ک.
شونده‌ی بیرحالده، سلام‌وطندار خبرچیلردن باشقه بیری حمیده مددی نینگ ایتیشیچه، گزارشلری نی تیارلش اوچون اسلامی امارت مسئوللری نینگ فکری نی آلیش، اونینگ اوچون کوپ قیین دیر. خانم مددی نینگ کوپه‌یتیریشیچه، اسلامی امارت سوزلاوچیلری نینگ جواب بیرمه‌یشی باعث، اونینگ گزارشلریدن قطاری نشردن قالگن.
اونینگ ایتیشیچه: «نیچه اونملی گزارش‌ده اسلامی امارت مسئوللری نینگ فکرلری نی آلیش ایسته‌گن ایدیم، وزیرلیکلردن قطاری نینگ سوزلاوچیلری جواب بیریش گه حاضر بولمه‌گن ایدیلر؛ حتی اولر نینگ جواب بیرمه‌یشلری، گزارشلریمدن قطاری نینگ نشردن قالیش‌لری گه سبب بولگن.»
مملکت‌ده قیین‌چیلیکلر بیلن رورپه‌رو بولگن رسانه یالغیز سلام‌وطندار ایمس، شونینگدیک باشقه رسانه‌لر نینگ خبرچی‌لری هم بو قیین‌چیلیکلر بیلن روپه‌رو دیر.
اولر نینگ ایتیش‌لریچه، اسلامی امارت مسئوللری بیلن تماس آله‌دیلر؛ بیراق مسئوللر اولرگه معلومات بیریش اوچون حاضر ایمسلر. خبرچیلر نینگ ایتیش‌لریچه، خبرچیلر نینگ ایش وضعیت‌لری کوپ خواطرلنتیرووچی دیر و افغانستان‌ده خبرچیلر نینگ فعالیتلری کون اوتیشی بیلن قیین‌لشماقده.
خبرچیلردن بیری معراج‌الدین مجری نینگ سلام‌وطندار بیلن اوتکزگن سوزلشووده ایتیشیچه: «بیر دولتی اداره‌دن معلومات آلیش نی ایسته‌گنیمیز پیتده، نیچه مرته تماس آلیشیمیز کیره‌ک. بو تماس‌لریمیز بعضا رد بوله‌دی، بعضا یاریم ساعت‌دن کیین معلومات بیره‌میز دیه‌دیلر؛ لیکن معلومات بیریش گه تیار ایمسلر.»
راه فردا تلویزیونی نینگ خبرچیسی حبیب‌الله ظفری نینگ ایتیشیچه: «اسلامی امارت نینگ قدرت گه ایریشگنیدن کیین، معلومات گه قول تاپیش خصوصیده کوپ چیکلاو یره‌تیلگن، رسانه‌یی ایشلر بولیمیده کوپ قیین‌چیلیکلر کیلگن. قیغو بیلن بیزلر افغانستان‌ده هر کون رسانه‌یی ایشلر وضعیتی نینگ یمان‌لنیشی گه شاهد میز.»
خبرچیلردن قطاری اسلامی امارت‌دن معلومات گه قول تاپیش اوچون خبرچیلر بیلن همکارلیک قیلیشلری نی سوره‌گنلر. اولر گه کوره، مذکور پروسه نینگ دوام قیلگنی بیلن رسانه‌لر گزارشلری نینگ توازنی بولمه‌یشی ممکن.
بیزلرنینگ توییترده هم تعقیب قیلینگ!
رادیو کلید خبرچیسی منصور یوسف‌زی نینگ سلام‌وطندار گه ایتیشیچه: «بو مسله گه توجه بولیشی نی ایسته‌یمیز. اسلامی امارت رسانه‌لر و خبرچیلر بیلن همکارلیک قیلیشلری کیره‌ک و رسانه‌لر و خبرنگارلر بیلن همکارلیک بولمه‌گن صورتده، رسانه‌لر گزارشلری بیر جانبه ترقه‌تیلیشی ممکن.»
باشقه بیر تاماندن، رسانه‌لر فدراسیونی عضوی و نی یا-ده افغانستان آزاد رسانه‌لریدن حمایت قیلووچی مسئولی محمد‌ظریف کریمی نینگ ایتیشیچه، اسلامی امارت بو نهاد گه بیرگن سوزلری گه عملی قیلمه‌گن.
شونده‌ی بیرحالده، اسلامی امارت سوزلاوچی اورین باسری بلال‌کریمی، شونینگدیک اوشبو گزارش نینگ تیارلنیشی اوچون کیین‌مه کیین آلگن تماس‌لریمیز گه جواب قیترمه‌دی.
ایتیلیشچه، بوندن آلدین خبرچیلردن حمایت قیلووچی نهادلر اینیقسه چیگره‌سیز گزارشگرلر و خبرچیلردن حفاظت قیلووچی خلق‌ارا کمیته شونینگدیک افغانستان‌ده خبرچیلر وضعیتی خصوصیده خواطر بیلدیرگن ایدی.
