Asset 1SWN

خلوتگر: تینچلیک سوزلشوولرده ایچکی میدیالر معلومات‌لرگه قول تاپه آلمه‌یدی

افغانستان دولتی و طالبان گروهی آره‌سیده افغانستانلیک‌لر ارا سوزلشوولر باشلنگنیدن کمیده بیر آی اوتماقده، بیراق میدیالردن حمایت قیلیووچی اداره‌لر تینچلیک سوزلشوولرده معلومات‌لرگه قول تاپیش خصوصیده چیکلاو تعین قیلینگنیدن تنقید قیله‌دیلر.

افغانستان ایرکین میدیالریدن حمایت قیلیووچی اداره یا-ده نی تشکیلاتی باشلیغی مجیب خلوتگر نینگ ایتیشیچه، تینچلیک سوزلشوولرده ایچکی میدیالر معلومات‌لرگه قول تاپه آلمه‌یدی و اولر معلومات‌لرنی چیت‌ایللیک میدیالردن قولگه کیریته‌دی.

اونینگ ایتیشیچه، افغانستان میدیالری نماینده‌لیگی‌گه بیرقطار کیشی‌لرنی دوحه ده حضور تاپیب بیرینچی معلومات‌لرینی میدیالر بیلن شریک قیلیش‌لری کیره‌ک.

شونینگدیک، افغانستان ملی ژورنالیست‌لر بیرلشمه‌سی باشلیغی فهیم دشتی نینگ ایتیشیچه، اوشبو نهاد تامانیدن تیارلنگن رهنمود اساسیگه تینچلیک خبرچی‌لریگه تعلیم بیریله‌دی و اولر دقیق و اعتبارلی معلومات‌لرنی قولگه کیریته‌دیلر.

شونینگدیک، معلومات و مدنیت وزیرلیگی اورین باسری عبدالمنان شیوای شرق نینگ ایتیشیچه، میدیالرنینگ تینچلیک خبرچی‌لری رهنمودی‌دن فایده‌له‌نیش بیلن معلومات بیریش خصوصیده اونملی اورینی اوینه‌ش‌لری کیره‌ک.

افغانستان دولتی و طالبان گروهی نینگ مذاکره قیلیووچی هیاتی کمیده بیر آی آلدین قطر باشکنتی دوحه‌ده تینچلیک خصوصیده سوزلشوولرگه باشله‌گن ایدی، بیراق حاضرگه‌قدر بیرقطار اونملی موضوع‌لر خصوصیده کیلیشمه‌گنلر.

شریک قیلینگ:
ویدیوهای مرتبط

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام