بشر حقوقینی کوزه‌تیش تشکیلاتی خاتین قیزلر بولیمی مدیری نینگ اورین باسری هیدر بار گه کوره، افغانستان بویلب خاتین قیزلر نینگ حقوقی ایاغ آستی بولیشی، برابرلیک تامان آلغه باره آلمسلیک اوچون دنیا بوتون خاتین قیزلری‌نی آگاه لنتیریش دیر.
بشر حقوقینی کوزه‌تیش تشکیلاتی نینگ خاتین قیزلر بولیمی مدیری نینگ اورین باسری، بوگون ۸ مارچ خلق‌ارا خاتین قیزلر بیردملیک کونی مناسبتی بیلن بیانیه ترقه‌تیب ایتیشیچه، برچه؛ افغانستان خاتین قیزلری بیلن اتفاق بولیش‌لری کیره‌ک. اونگه کوره، افغانستان عیاللری نینگ مبارزه‌سی، همه جای‌ده عیاللر حقوقی اوچون مبارزه قیلیش دیر.
هیدر بار نینگ کوپه‌یتیریشیچه، افغانستان خاتین قیزلر حقوقی ایاغ آستی بولگن یالغیز مملکت ایمس. او نینگ تأکیدلشیچه، خلق‌ارا عیاللر کونیده، دنیا بوتون عیاللری افغانستان‌نی ایسلب و اوییرده مبارزه قیلیش، دنیا بویلب جنسیت برابریده مبارزه قیلیش لیکنی بیلیش‌لری کیره‌ک.
بیزلرنینگ فیسبوک صحیفه‌میزگه باش اورینگ!
بیانیه‌ده کیلیشیچه، اسلامی امارت ۱۹۹۶-ییل‌دن ۲۰۰۱-ییل‌لرده‌گی حکومتی زمانیده، عیاللر حقوقینی ایاغ آستی قیلیشی باعث بدنام بولگن ایدی. بیانیه‌دن نقل قیلینیب، اسلامی امارت اوتگن ییلی ۱۵ آگست‌ده افغانستانده قدرت‌نی آلگندن کیین، عیاللر حقوقی مدافعه‌چیلری؛ ینگی حاکم‌لر مملکت‌نی باشقرگن سابق حاکم‌لر بیلن فرق‌لی بولیشینی سیزگن ایدیلر.
شو بیلن بیرگه هیدر بار نینگ ایتیشیچه، اسلامی امارت بیرگن وعده‌لری گه قره‌مسدن، خاتین قیزلر گه قرشی کینگ کولمده چیکلاو یره‌تدی. مکتب‌لر تعطیل بولیشی، عیاللر نینگ ایشی گه چیکلاو یره‌تیش و اعتراضچی قیزلر نینگ سرکوب قیلیش، اوشبو چیکلاولر نمونه‌لریدن عبارت دیر.
بشر حقوقینی کوزه‌تیش تشکیلاتی خاتین قیزلر بولیمی مدیری نینگ اورین باسری گه کوره، دنیا اسلامی امارت نینگ قیلمیش‌لری برابریده بی فرق دیر، عین‌حالده او نینگ ایتیشیچه، نیچه مملکت قوانچ بیلن «فمینیستی خارجی سیاست» مدعی‌لریدن دیر.
اونگه کوره، افغانستانده خاتین قیزلر حقوقی برابریده اونچه‌لیک خلق‌ارا واکنش کورسه تیلمه‌گن. اونینگ تأکیدلشیچه، افغان خاتین قیزلری حقوقینی اسره‌ش اوچون ایجابی هماهنگ‌لیک ریجه موجود ایمس. برچه‌سی بیلن، دولت‌لر اسلامی امارت بیلن ملاقات قیلیش اوچون ایرکک هیأت‌لرنی یوباریش اورنیده، افغانستان عیاللرینی قوللب-قوتلشی کیره‌ک.
بیزلرنینگ توییترده هم تعقیب قیلینگ!
عین‌حالده، آمریکا قوشمه ایالت‌لری نینگ افغانستان اوچون ایلچیسی مک‌کری کاردار توییتری‌ده یازیشیچه، بو مملکت افغانستان خاتین قیزلری‌دن حمایت ایتیش گه متعهد دیر. او نینگ کوپه‌یتیریشیچه، افغانستانده تینچلیک و ثبات، خاتین قیزلر گه فرصت بیریلیشی گه باغلیق دیر.
بو سوزلر عین‌حالده بیان بولماقده که اسلامی امارت تشقی ایشلر وزیرلیگی، خلق‌ارا خاتین قیزلر بیردملیک کونی مناسبتی بیلن بیر بیانیه ترقه‌تیب، اوشبو کون‌نی برچه عیاللرگه قوتلوغ بولسین دیگن. مذکور وزیرلیک، افغانستان بویلب اوزاق مدتلی اوروش‌لر، عیاللرگه کوپ نقصان ییتکیزگنینی تأکید ایتگن.
اسلامی امارت تشقی ایشلر وزیرلیگی نینگ ایتیشیچه، افغانستان عیاللری نینگ قیینچیلیکلرینی حل قیلیب اولر گه اسلام دینی قدریت‌لری و مملکتده قبول قیلینگن عرف-عادت اساسیده، آبرو-حیثیتلی تیریکچیلیک شرایطینی یره‌تیش گه متعهد دیر.
