پکتیا ولایتی‌ده قوم بویوک‌لری نینگ واسطه‌چیلیگی بیلن ۶-صنف‌دن یوقاری قیز مکتب‌لریدن بیر قطاری نینگ بیر هفته آچیلگنی بیرحالده، بیراق اوتگن کون اوشبو مکتب‌لر قیته باغلندی. مذکور مکتب‌لر نینگ یاپیلگنی سبب، پکتیا ده قیز اوقووچیلر اوشبو ایش گه قرشی عکس‌العمل کورستیب و اعتراض قیلگنلر.
شونینگدیک پکتیا ده قیز مکتب‌لر نینگ قیته یاپیلگنی قیز اوقووچیلر نینگ اعتراض‌لری گه علاوه، شونینگدیک ایچکی و تشقی عکس‌العمل‌لر گه روپه‌ره بولگن.
بیزلرنینگ فیسبوک صحیفه‌میزگه باش اورینگ!
شونینگدیک انسان حقوقی کوزه‌تووچی نهادی عیال‌لر بولیمی‌نینگ اورین‌باسری هیدربار، اوشبو قرار گه قرشی عکس‌العمل کورستیب ایتیشیچه، پکتیا ده مکتب‌لر نینگ قیته یاپیلیشی بیلن ۶-صنف‌دن یوقاری قیز مکتب‌لر نینگ آچیلیشی خصوصیده اسلامی امارت نینگ برنامه‌سیزلیگی نی کورسته‌دی.
هیدربار نینگ کوپه‌یتیریشیچه، حاضر دنیا جماعه افغانستان ده اوزگریش‌لر خصوصیده بولگن امید و کوتیش‌لری نی یکولنتیریش زمانی ییتیب کیلگن.
باشقه بیر تامان‌دن، بیرلشگن ملت‌لر تشکیلاتی‌ده افغانستان دایمی نماینده‌سی نصیراحمد فایق هم اوز توییتر صحیفه‌سیده یازگن که، قیزلر تعلیمی نینگ آلدی نی آلگن کیشی‌لر، بیللی بیر شکلده انسانی و اسلامی حقوق‌دن اطاعت‌سیزلیک قیله‌دیلر.
بیزلرنینگ توییترده هم تعقیب قیلینگ!
شونینگدیک پکتیا ده قیز مکتب‌لری نینگ قیته یاپیلگنی اسلامی امارت حمایت‌چیلری نینگ عکس‌العمللری بیلن هم روپه‌ره بولگن.
شونده‌ی بیرحالده، هلمند‌لیک بیر باله انگلیسی تیل بیلن اسلامی امارت‌دن مکتب‌لر نینگ قیته آچیلیشی نی سوره‌گن.
ایتیش کیره‌ک که، معارف وزیرلیگی سرپرستی نورالله منیر، بوگون ارزگان ده یولگه قوییلگن بیر ییغین‌ده ایتگن که، حاضرگی وضعیت‌ده هیچ کیم قیزی نی مکتب گه یوباریش گه حاضر ایمس.
