بوگون (شنبه، ۱۹-سنبله) پکتیا مرکزی گردیز شهریده قیز اوقووچیلردن قطاری، ۶-صنف‌دن یوقاری قیز مکتب‌لر نینگ قیته یاپیلگنی خصوصیده عکس‌العمل کورسته‌تیب ناراض‌لیک نمایش یولگه قوییگنلر.
مذکور اوقووچیلر تعلیم نینگ برچه‌نی حقی بولگنی خصوصیده شعار‌لر بیان قیلیب، پکتیا معارف ریاستی برابریده ییغیلگنلر و شونینگدیک ۶-صنف‌دن یوقاری قیز اوقووچیلر برابریده‌گی چیکلاو‌لر نینگ آلینیشی نی ایسته‌گنلر.
بیزلرنینگ توییترده هم تعقیب قیلینگ!
اسلامی امارت افغانستان ده قدرت گه ایریشگنیدن کیین، ۶-صنف‌دن یوقاری قیز مکتب‌لر نی یاپگن دیر.
نیچه کون آلدین، پکتیا محلی مسئوللری اوشبو ولایت‌ده ۶-صنف‌دن یوقاری قیز مکتب‌لر نینگ آچیلگنیدن خبر بیرگن ایدی.
بیزلرنینگ فیسبوک صحیفه‌میزگه باش اورینگ!
اسلامی امارت سوزلاوچیسی ذبیح‌الله مجاهد، (سه‌شنبه ۱۵-سنبله) مذکور موضوع گه قرشی عکس‌العمل کورستیب ایتگن ایدی که «بیلمه‌یمن اوشبو مکتب‌لر کیم نینگ بویروغی بیلن آچیلگن دیر.»
معارف وزیرلیگی نیچه آی آلدین اورته و لیسه دوره‌لریده‌گی قیز مکتب‌لری نینگ آچیلیشی اوچون بیر کمیته ایجاد بولیشی‌دن خبر بیرگنی بیرحالده، افغانستان ده ۶-صنف‌دن یوقاری قیز مکتب‌لری قیزلر یوزیگه باغلیق قالگن دیر.
