چین جمهور باشلیغی شی جینپینگ، بیشکک شهریده بولیب اوتگن شانگهای همکارلیک تشکیلاتی ییغیلیشیدن سونگ، ۱۰ ییلدن کیین رسمی تشریف بیلن مصر گه باردی.
ییتکرمهلرنینگ معلوماتیگه کوره، شی جینپینگ ۱۰ سنبله/۱ آگست، سهشنبه کونی قاهره خلقارا هوا قونالغهسیده مصر جمهور باشلیغی عبدالفتاح السیسی تامانیدن قیزغین کوتیب آلینگن.
چین و مصر اقتصادی همکارلیکلرینی کینگهیتیرگن بیرحالده جینپینگ قاهره گه بارگن.
امریکا هر ییلی مصر گه تخمیناً ۱.۳ میلیار دالرلیک حربی یاردم کورستهدی – بو مملکت اوتگن آی چین بیلن ایکینچی قوشمه حربی مشغولاتلرنی اوتکزدی. اوشبو مشغولاتلرده چیننینگ J-16 قیروچی اوچاقلری ایلک بار افریقا گه یوباریلدی و فرانسهنینگ رفال قیروچی اوچاقلری بیلن قوشمه مشغولاتلر اوتکزدی.
چین سونگی ییللرده، مصرده آست قوریلمه، بندرلر، قویاشدن برق ایشلب چیقریش و تکنالوژی ساحهسیده سرمایه کیریتیشنی کوپهیتیرگن.
