اسلام امیرلیگی سوزلاوچیسی ذبیحالله مجاهدنینگ ایتیشیچه، کویت بیلن دیپلماتیک علاقهلر اورنهتیلیشی و پاکستان بیلن مناسبتلرنینگ ایلچی درجهسیگه کوتریلیشی، سونگی بیر ییل ایچیده اسلام امیرلیگی تشقی سیاستینینگ اینگ مهم یوتوقلریدن بولگن.
افغانستان اولاق (اوغلاق) ملی تیرمه جماعهسی، ۲۰۲۶-ییلگی بوتون جهان کوچمنچیلر تورنمنتی بیرینچی اویینیده، اوزبیکستان گه بای بیردی.
اوشبو قول صناعتی بویوملری ایشخانهسی، ۵۰ مینگ افغانیدن آرتیق مبلغ عوضی گه، اقتصادی امکانیتلری آز بولگن عیاللرنی ایش بیلن تأمینلش مقصدیده، بیر عیال تامانیدن تشکیل ایتیلگن. ایشخانه مسئولی زرنگارنینگ ایتیشیچه، اولر طبیعتدن «کُلک» کبی موادلرنی ییغیب، اولرنی تیارلهگچ، خینه تختهسی، قول سومکهسی و باشقه قول محنتی بویوملری کبی تزئینی محصولاتلرنی تیارلشده فایدهلنهدیلر.
چین جمهور باشلیغی شی جینپینگ، بیشکک شهریده بولیب اوتگن شانگهای همکارلیک تشکیلاتی ییغیلیشیدن سونگ، ۱۰ ییلدن کیین رسمی تشریف بیلن مصر گه باردی.
نیپالده یوز بیرگن کوچلی سوو تاشقینی عاقبتیده هلاک بولگنلر سانی بیر مینگ ۱۲۷ کیشی گه ییتگن. خلقارا ییتکرمهلرنینگ معلوماتیگه کوره، اوشبو طبیعی آفت عاقبتیده بیر مینگ ۱۲۷ کیشی هلاک بولگن و ینه تورت مینگ ۵۰۰ کیشی بیدرک یوقالگن. بوندن اول، اوشبو طبیعی آفت عاقبتیده ۹۸۷ کیشی هلاک بولگنی حقیده خبر بیریلگن ایدی.
امریکا قوشمه ایالتلرینینگ مرکزی قوماندانلیگی (سنتکام) ایران گه قرشی هجوملری موفقیتلی طرزده یکونلنگنینی بیلدیردی.
