مملکت معارف وزیرلیگی سرپرستی نورالله منیر، اوتگن کون ارزگان گه قیلگن سفری جریانیده مکتب‌لر نینگ آچیلیشی خصوصیده خبرچیلر گه ایتگن که، ۶-صنف‌دن یوقاری قیز اوقووچیلر نینگ عایله‌لری، قیزلری نینگ یوزی گه مکتب‌لر نینگ آچیلیشی نی ایستمه‌یدیلر.
مذکور بیانات کوپینچه عکس‌العمل بیلن روپه‌ره بولگن و شونینگدیک قیز اوقووچیلردن قطاری معارف وزیرلیگی سرپرستی نینگ بیاناتی گه قرشی عکس‌العمل کورستیب ایتگنلر که، اولر نینگ تعلیم‌لری گه توسیق بولگن، یالغیز اسلامی امارت دیر.
۸-صنف اوقووچیسی بولمیش صنم نینگ ایتیشیچه، عایله‌سی مکتب گه باریش اوچون رخصت بیرگن، بیراق اسلامی امارت اوتگن بیر ییل‌ده اونینگ تعلیمی گه توسیق بولگن دیر. اونینگ کوپه‌یتیریشیچه، اونینگ اینگ کته آرزوسی مکتب‌دن فارغ بولیب و دنیا نینگ اینگ یخشی بیلیم یورت‌لریده تحصیلی نی دوام بیریش دیر.
بیزلرنینگ توییترده هم تعقیب قیلینگ!
۱۲-صنف اوقووچیلریدن شبانه، اسلامی امارت‌دن قیزلر یوزیگه مکتب‌لر نینگ آچیلیشی نی ایسته‌یدی.
شونینگدیک قیز اوقووچیلر نینگ عایله‌لریدن قطاری معارف وزیرلیگی سرپرستی نینگ بیاناتی نی رد قیلیب و ایتیش‌لریچه، اولر مملکت‌‌ده قیزلر مکتب‌لری نینگ آچیلیشی نی کوتیب تورگنلر. کابل یشاوچیلریدن بیری نعیم‌الدین نینگ ایتیشیچه، ایکی قیزی بار و بیر ییل‌دن بیری تعلیم‌دن اوزاق قالگنلر. نعیم‌الدین سرپرست حکومت‌دن ۶-صنف‌دن یوقاری قیز مکتب‌لری نینگ آچیلیشی نی ایسته‌گن.
عین حالده، معارف وزیرلیگی نینگ سابق معینی صدیق پتمن نینگ ایتیشیچه، پکتیا ده مکتب‌لر نینگ یاپیلگنی خصوصیده قیزلر نینگ اعتراض بیلدیرگنی، ۶-صنف‌دن یوقاری قیز مکتب‌لری نینگ آچیلیشی گه دایر عایله‌لر نینگ مخالف بولمه‌گنی نی کورسته‌دی.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، افغانستان ده عیال‌لر اوچون آمریکا خاص نماینده‌سی نینگ ایتیشیچه، ۶-صنف‌دن یوقاری قیز مکتب‌لری نینگ یاپیق قالیشی گه تیگیشلی اسلامی امارت نینگ مخرب و ظالمانی سیاستی دوام قیلیشی نینگ هیچ قنده‌ی اساسی یوق.
ایتیش کیره‌ک که، اوتگن کون اسلامی امارت سرپرست حکومتی نیگ معارف وزیرلیگی سرپرستی نورالله منیر، ارزگان ده مکتب‌لردن قطاری نی کورگنیدن کیین ایتگن که، عایله‌لر ۶-صنف‌دن یوقاری قیز اوقووچیلر نینگ مکتب گه یورباریشلری اوچون رخصت بیرمه‌دیلر.
گرچند قیز مکتب‌لری نینگ یاپیق قالیشی ایچکی و تشقی عکس‌العمل‌لر بیلن روپه‌ره بولگن، بیراق ینه هم اسلامی امارت ۶-صنف‌دن یوقاری قیز مکتب‌لری نینگ قچان آچیشی بیللی ایمس.
