ایر-خاتین اجرهشگنیدن سونگ آته-آنهلرنینگ بالهلر بیلن مناسبتلرینی قندهی دوام ایتتیریشی مهم عایلهوی مسئلهلردن بیری حسابلنهدی. دین علمالری و حقوقشناسلرنینگ ایتیشیچه، بوندهی حالتلرده فرزندلرنینگ خاطرجمعلیگی، تربیهسی و منفعتلریگه علیحده اعتبار بیریش مهم. شونینگدیک، شریعت و قانون دایرهسیده فرزندلرنینگ هر ایکی آته-آنهسی اینیقسه آنهسی بیلن مناسبتلرینی دوام ایتتیریشی اوچون تیگیشلی شرایط یرهتیش مقصد گه موافق دیر.
متخصصلرنینگ فکریچه، ایر-خاتیننینگ اجرهشیشی آته-آنهلرنینگ فرزندلر بیلن مناسبتلری توگهگنینی انگلتمهیدی. عایلهلر اوزارا همکارلیک و کیلیشوو آرقهلی فرزندلرنینگ آته-آنهلری بیلن علاقهسی سقلنیب قالیشی اوچون ضرور شرایطلرنی یرهتیشلری ممکن.
حقوقشناسلرنینگ ایتیشیچه، عایلهوی مسئلهلرده قرارلر فرزندلرنینگ حالتی و عایلهدهگی شرایطلرنی حساب گه آلگن حالده قبول قیلینیشی معقول. اولر شونینگدیک، کیلیشماوچیلیکلر یوزه گه کیلگن تقدیرده، تیگیشلی ادارهلر گه مراجعت قیلیش و قانونی یوللردن فایدهلنیش مسئلهنی توغری حل ایتیشگه یاردم بیریشی ممکنلیگینی تأکیدلهیدیلر.
اسلام فقهی گه کوره، هم فرزندلرنینگ حالتیگه اعتبار بیریش و اولرنینگ احتیاجلرینی تأمینلش مهم اهمیت گه ایگه. دین علمالری تأکیدلشیچه، آته-آنهلر اجرهشگنیدن کیین هم فرزندلرنی تربیهلش و وایه گه ییتکزیش مسئولیتینی سقلب قالهدیلر. شو باعث، بو بارهده همکارلیک و اوزارا کیلیشوو گه عمل قیلیش مقصد گه موافق دیر.
اولرنینگ فکریچه، فرزندلر و آته-آنهلر اورتهسیدهگی ساغلام مناسبتلرنی سقلب قالیش بالهلرنینگ خاطرجمعلیگینی تأمینلش و حیاتینی ینهده یخشی دوام ایتتیریشگه یاردم بیرهدی. شونینگدیک، عایلهلر نزاعلی و کیسکین محیط یرهتیشدن اوزاقلب، فرزندلر اوچون قولیراق شرایطلرنی تأمینلشلری ممکن.
روانشناسلرنینگ ایتیشیچه، آته-آنهسی اجرهشگنیدن کیین بالهلر اینگ اولا، خاطرجمعلیک، اعتبار و قوللب-قوتلشگه محتاج بولهدیلر. اولرنینگ فکریچه، آته-آنهلر اینیقسه عایلهدهگی شرایط گه ماس کیلهدیگن حاللرده آنهلر بیلن مناسبتلرنینگ دوام ایتیشی بالهلرنینگ روحی و حسی برقرارلیگیگه یاردم بیریشی ممکن. شونینگدیک، اولر کتتهلر اورتهسیدهگی کیلیشماوچیلیکلر فرزندلر بیلن بولگن مناسبتلر گه تأثیر قیلمسلیگی لازملیگینی تأکیدلهیدیلر.
افغانستاننینگ ایریم حدودلریده محلی عرف-عادت و عنعنهلر سببلی بعضی حاللرده عیاللر ایری بیلن اجرهشگن ذهاتی فرزندلری بیلن مناسبتلرینی دوام ایتتیریش حقوقیدن، ایری قیناغهسی یا کی ایرینینگ عایلهسیدهگی کتته یاشلی کیشیلر تامانیدن محروم ایتیلماقده. بو حقده ایریم افغانستانلیک فقرالر هم اوز حکایهلریده ایتیب کیلماقده.
دین علمالری و حقوق ساحهسیدهگی متخصصلر شونینگدیک، ضرورت توغیلگنده، عایلهلر تیگیشلی ادارهلر گه مراجعت قیلیب، مصلحت و یول-یوریق آلیشلری ممکنلیگینی تأکیدلهیدیلر. بو آرقهلی عایلهوی مسئلهلرنی موجود شرایطلرنی حسابگه آلگن حالده، قولی محیطده کوریب چیقیش ممکن.
اولرنینگ فکریچه، بوندهی حالتلرده اساسی مقصد فرزندلرنینگ خاطرجمعلیگی و کیلهجگینی یخشیراق تأمینلش بولیشی کیرهک. قرارلر ایسه عایلهدهگی شرایطلرنی حسابگه آلگن حالده، دینی قدریتلر و قانونی تمایللر دایرهسیده قبول قیلینیشی لازم.
اولرنینگ ایتیشیچه، عایلهلر اورتهسیدهگی همکارلیک، اوزارا حرمت گه رعایه قیلیش و فرزندلرنینگ احتیاجلریگه اعتبار بیریش اجرهشگندن کیین آته-آنهلر و فرزندلر اورتهسیده ساغلام مناسبتلرنی سقلشگه یاردم بیرهدی همده اولر اورتهسیده کیرهکسیز مصافهنینگ تاپیلیشی آلدینی آلهدی.
شونگه قرهمی، دین عالمی محمد قانتنینگ ایتیشیچه، اسلام نقطهی نظریدن آته-آنهلرنینگ اجرهشیشی اولرنینگ فرزندلری بیلن مناسبتلرینی اوزیشینی انگلتمهیدی. اجرهشگندن کیین هم آته و آنهنینگ فرزندلری بیلن اوچرهشیش حقوقی سقلنیب قالیشی کیرهک. فقط بوندهی اوچرهشوو بالهنینگ منفعتلریگه ضد بولسه یا کی محکمه قراری بیلن چیکلنگن تقددیرده بوندن مستثنا. او شوندهی دییدی: «اسلام دینی گه کوره، آته-آنهلرنینگ اجرهشیشی اولرنینگ فرزندلری بیلن علاقهسینی اوزیش دیگنی ایمس. اولرنینگ هر بیری فرزندلری بیلن اوچرهشیش حقوقیگه ایگه. نه آنه، نه آته اجرهشگندن کیین بیر-بیرینی فرزندلری بیلن اوچرهشیشدن محروم قیله آلمهیدی. فقط تامانلردن بیرینینگ فرزندلر بیلن اوچرهشووی بالهلر گه ضرر ییتکزهدیگن بولسه، محکمه قراری اساسیده اونینگ فرزندلری بیلن اوچرهشیشیگه توسقینلیک قیلیش ممکن.»
شو بیلن بیرگه، حقوقشناس آصفه امینی، آنهنینگ فرزندلری بیلن اوچرهشیشینی آنهنینگ اساسی حقوقلریدن بیری دیب حسابلهیدی. او شوندهی دییدی: «فرزند اوستیدن حضانت گه ایگه بولمسلیک آنه و فرزند اورتهسیدهگی مناسبتلرنینگ یوقالیشینی انگلتمهیدی. عایله حقوقی تمایللری و بالهنینگ منفعتلریدن کیلیب چیقیب، آنه اوز فرزندی بیلن اوچرهشیش حقوقیگه ایگه و بو حقوق قانونی اساسلرسیز اوندن تارتیب آلینمسلیگی کیرهک. حتا فرزندنینگ وصیلیگی (حضانت) آته گه یوکلهتیلگن تقدیرده هم، او محکمه قراریسیز آنهنینگ فرزندی بیلن اوچرهشیشیگه توسیقینلیک قیله آلمهیدی.»
امینی خانم، آته-آنهلرنینگ فرزندلری بیلن اوچرهشیشی بارهسیدهگی کیلیشماوچیلیکلرنی کمهیتیریش اوچون بیر قطار ییچیملر تکلیف قیلهدی. اونینگ فکریچه: «آته-آنهلرنینگ فرزند بیلن اوچرهشیش حقوقیگه عاید انیق و شفاف قاعدهلر ایشلب چیقیلیشی، اوشبو حقوق بوزیلیشینینگ آلدینی آلیش اوچون ثمرهلی حقوقی چارهلر کفالتلنیشی، عایلهوی مصلحت خذمتلری کوچهیتیریلیشی و عایلهوی نزاعلر تیزکارلیک بیلن کوریب چیقیلیشی کیرهک.»
روانشناسلردن بیری ذکریا بارکزی ایسه اجرهشگندن کیین بالهلر حیاتیده اوزاق مدتلی روحی ضعیفلیک و معمالر یوزه گه کیلیشی ممکنلیگیدن آگاهلنتیریب، شوندهی دییدی: «آته و آنه اجرهشگنیده، فرزند اولردن بیرینینگ قرهماغیده قالهدی. باله عیال و ایرکک تامانینینگ هر ایکیسیدن اجرهلیشی طفیلی روحی جهتدن ضرر کورهدی. اونده امیدسیزلیک، حسی محروملیک تاپیلهدی و باشقهلرنینگ اعتبار مرکزیده بولیشیگه نسبتن اوزیگه بولگن ایشانچینی یوقاتهدی. بونینگ عاقبتلرینی کیلهجکده کسبی فعالیتی، عایلهوی حیاتی و اجتماعی مناسبتلریده باشدن کیچیریشی ممکن.»
شو بیلن بیرگه، ایریم عیاللرنینگ ایتیشیچه، اجرهشگندن یا کی ایریلگندن سونگ اولر گه فرزندلری بیلن اوچرهشیشگه رخصت بیریلمهیدی. اولرنینگ فرزندلریدن اوزاقده قالیشی و اولر بیلن اوچرهشه آلمسلیگی ایسه آغیر و چیدهب بولمس اضطرابلر گه سبب بولهدی.
