بوگون (پنجشنبه، ۳ قوس) کابل ده بیرقطار طلبه‌لر تامانیدن، زاول خصوصی بیلیم یورتیده ایکی کونلیک کتاب کورگزمه‌سی یولگه قوییلدی.
اوشبو کورگزمه ده طب، سیاسی، اجتماعی و عمومی معلومات ساحه‌لریده ۳۰۰ کتاب کورگزمه گه قوییلگن.
بیزلرنینگ فیسبوک صحیفه‌میزگه باش اورینگ!
مذکور کورگزمه تشکیلاتچیلری، اوشبو کورگزمه یولگه قوییلیشیدن مقصد کتاب اوقیش فرهنگینی رواجلنتیریش دیب ایتیشلریچه، قیز و ییگیت‌لر علیحده شکلده اوشبو کورگزمه گه اشتراک ایته آله‌دیلر.
کورگزمه تشکیلاتچیلریدن زهره گونش غیاثی نینگ ایتیشیچه: «بو کورگزمه یولگه قوییلیشیدن مقصد یاشلر آره‌سیده کتاب اوقیش فرهنگینی رواجلنتیریش دیر و قیزلر ایسه بوگون پنجشنبه و ییگیت‌لر ایسه شنبه کونی اوشبو کورگزمه ده اشتراک ایته آله‌دیلر.»
مذکور کتاب کورگزمه‌سیده اشتراک ایتگن قیزلردن بیری، نیازلری بولگن کتاب‌لرنی قولگه کیریتیش اوچون بوگَل کورگزمه‌لر یولگه قوییلیشینی اونملی بیله‌دی.
بیزلرنینگ توییترده هم تعقیب قیلینگ!
کورگزمه ده اشتراک ایتگنلردن بهشته گه کوره: «بوگَل برنامه‌لر اوتکزیلیشی یاشلر اوچون اونملی دیر و هرکیم نیازی بولگن کتاب‌نی قولگه کیریته آله‌دی.»
بوندن آلدین افغانستان ناشرلر اتفاقی مسئوللری، اوتگن ایکی ییل ده ۲۰۰ ناشر و ۵۵۰ کتاب فروش‌لیک دن ۳۰ فایزی نینگ فعالیتی توخته‌گنینی ایتگن ایدیلر. باشقه تاماندن، حاضر فعالیتی بولگن نشریه‌لر و کتاب فروش‌لیکلردن ۹۰ فایزی تنزل گه یوز توتگن.
