سلام‌وطندار بیلن صحبت اوتکزگن افغانستان ناشرلر اتفاقی مسئوللری نینگ ایتیشلریچه، اوتگن ایکی ییل ده ۲۰۰ نشریات و ۵۵۰ کتاب ساتووچیلردن ۳۰ فایزی یاپیلگن و هلیگچه فعالیتی بولگن نشریات‌لر و کتاب ساتووچیلر نینگ ۹۰ فایز ایشی قولشگه روپه‌ره بولگن.
مسئوللر نینگ کوپه‌یتیریشیچه، حاضر کابل شهری ده ۹۰ نشریات و ۲۸۰ کتاب ساتووچی دوکان فعالیت قیله‌دی.
بیزلرنینگ فیسبوک صحیفه‌میزگه باش اورینگ!
افغانستان ناشرلر اتفاقی باشلیغی سیداحمد سعید نینگ ایتیشیچه: «اوتگن ایکی ییل ده۲۰۰ نشریات و ۵۵۰ کتاب ساتووچی دوکان دن، ۳۰ فایزی نینگ فعالیتی توخته‌گن و ۹۰ فایز ایشلری قولشگه دوچ بولگن.»
عین‌حالده، نشریات‌لر و کتاب ساتووچیلردن قطاری، کتاب مطالعه قیلیش فرهنگی کمه‌یشی، نشر حقی/ کاپی رایت قوللب-قوتلنمسلیگی، مملکت بیلیم یورت‌لری نینگ نصابی اوزگریشی، سالیق‌لر کوپه‌یشنی نشریات‌لر و کتاب ساتووچیلر نینگ اساسی قیینچیلیکلریدن عنوان قیله‌دیلر.
«حامد رسالت» نشریات مسئولی عبدالمجید نینگ سلام‌وطندار گه ایتیشیچه: «بیر ییل دن بویان کتاب اوقیش فرهنگی کمه‌یگن، کاپی رایت حمایت بولمه‌یدی و شوکبی بیلیم یورت‌لر نصابی اوزگریشی و سالیق آلینیشی بیز نینگ اساسی قیینچیلیکلریمیزدن دیر.»
بیزلرنینگ توییترده هم تعقیب قیلینگ!
شونینگدیک معلومات و مدنیت وزیرلیگی نینگ نشرات معینی حیات‌الله مهاجر فراهی نینگ سلام‌وطندار گه ایتیشیچه، مذکور وزیرلیک نشر حقی/ کاپی رایت دن حمایت قیله‌دی و نشریات‌لر و کتاب ساتووچیلر اوچون بولگن سالیق معاف قیلینیشی مقصدیده سعی و حرکت قیلماقده‌لر.
جناب فراهی نینگ کوپه‌یتیریشیچه: «بو وزیرلیک کاپی رایت دن حمایت قیلیب و ساتووچیلر اوستیگه بولگن سالیق‌نی معاف قیله‌دی و ایریم ساحه‌لرده برنامه‌لریمیز بار.»
بوندن آلدین کابل شهری پل‌سرخ «ملی مارکیتی» ده مقصودی، واژه، یوسف زاده نشریات‌لر مسئوللری سلام‌وطندار بیلن اوتکزگن صحبت‌لریده ایتیشلریچه، کابل بلدیه‌سی اولرنی مدنیت و معلومات وزیرلیگی نینگ جوازی گه علاوه، کتاب‌لرنی انبار قیلیش اوچون کابل بلدیه‌سیدن جواز آلیش‌لری اوچون آگاه‌لنتیرگندی.
