افغانستان ناشرلر اتفاقی گه کوره، سونگی ایکی ییل ده معلومات و مدنیت وزیرلیگی تامانیدن کتاب ناشرلری و کتاب ساتووچیلر نینگ فعالیت جوازی اوزه‌یتیریلمه‌گن و اولر ناقانونی روشده فعالیت قیلماقده‌لر.
مذکور اتفاق مسئولی سیداحمد سعید، معلومات و مدنیت وزیرلیگی دن ناشرلر و کتاب ساتووچیلر نینگ فعالیت جوازی اوزه‌یتیریلیشنی سوره‌یدی.
او نینگ ایتیشیچه: «ناشرلر و کتاب ساتووچیلر نینگ فعالیت جوازی اوزه‌یتیریلمه‌گن و اولر ناقانونی روشده فعالیت قیلماقده. معلومات و مدنیت وزیرلیگی دن اولر نینگ فعالیت جوازینی اوزه‌یتیریشنی ایسته‌یمیز.»
عین‌حالده، کابل شهری پل‌سرخ ده ملی مارکیت ده کتاب ناشرلری و کتاب ساتووچیلر دن بیرقطاری، کتاب اوقیش فرهنگی کمه‌یشی، کتاب‌لر گه سالیق آشیریلیشینی ناشرلر و کتاب ساتووچیلر نینگ اساسی قیینچیلیک‌لریدن عنوان قیله‌دیلر. اولر سرپرست حکومت دن کتاب نشری و سوداسی اوچون قولی‌لیک و زمینه یره‌تیشنی طلب قیله‌دیلر.
بیزلرنینگ فیسبوک صحیفه‌میزگه باش اورینگ!
۲۰۲۰-ییل ده کوید-۱۹ ییره‌لیشیدن سونگ، افغانستان اینیقسه کابل شهری ده کتاب نشریه‌لری و کتاب سوداسی سیزیلرلی درجه ده پس توشگن و حاضر سناقلی کیشی‌لر کتاب ساتیب آلیش اوچون کتاب فروش‌لیک دکان‌لر گه مراجعت قیله‌دیلر. بو وضعیت باعث قطار ناشرلر کسادلیک بیلن روپه‌ره بولیشی گه سبب بولگن.
افغانستان ده ایکی سنه دن بویان فعالیت قیلیب کیلگن مقصودی انتشارات مسئولی ناصر مقصودی گه کوره، کتاب‌لری ساتیلمسلیگی اوچون، اوشبو آی یکونی گه قدر انتشارات و کتاب‌فروش‌لیک دکانینی باغله‌یدی.
او نینگ کوپه‌یتیریشیچه: «مقصودی انتشارات ایکی سنه دن بیری کابل ده فعالیت قیلیب کیلگن، اساسی قیینچیلیک اقتصاد و کتاب سوداسی پس توشیشی دیر، بوندن آرتیق دوام بیریش گه کوچی‌میز ییتمه‌یدی، باغلش دن باشقه هیچ یولیمیز یوق.»
شونینگدیک، نشر و کتاب‌فروش‌لیک ساحه‌سیده فعالیتی بولگن «مادر» موسسه‌سی نشریاتی نینگ مدیری علی کوهستانی نینگ ایتیشیچه، کتاب نشریه‌لری قوله‌مسلیگی اوچون، معلومات و مدنیت وزیرلیگی ناشرلر و کتاب‌فروش‌لرنی قوللب-قوتلشی کیره‌ک.
اونگه کوره: «ناشرلر گه قولی‌لیک یره‌تیلیشینی ایسته‌یمیز، قیینچیلیک‌لر حل بولیب و سالیق‌لر کمه‌یتیریلیشی کیره‌ک. بیز حاضر بلدیه اداره‌سی گه صنفی سالیق، صنفی بویروغ، مالیاتی اظهار نامه، سالیق توله‌یمیز، بیزگه آغیر توشه‌دی.»
بیزلرنینگ «ایکس» ترماغی ده هم تعقیب قیلینگ!
معلومات و مدنیت وزیرلیگی مسئوللری نینگ ایتیشلریچه، ناشرلر و کتاب‌فروش‌لر گه فعالیت جوازینی توزیع قیلیش تخنیکی قیینچیلیک حل بولگن و تیزلیک بیلن جواز توزیع قیلیش جریانینی باشله‌یدیلر.
معلومات و مدنیت وزیرلیگی نینگ نشرات ایشلری بوییچه معینی حیات‌الله مهاجر فراهی، ناشرلر گه قولی‌لیک یره‌تیش اوچون برنامه‌لری بارلیگیدن ایشانچ بیره‌دی.
او نینگ ایتیشیچه: «تخنیکی بعضی قیینچیلیک‌لر حل بولگن و تیزلیک بیلن ناشرلر و کتاب‌فروش‌لر گه جواز توزیع قیلیش جریانی باشلنه‌دی، ناشرلر گه مخصوص مارکیت و اولر گه بولگن سالیق‌نی کمه‌یتیریش کبی قولی‌لیک یره‌تیش اوچون تلاش قیله‌یپمیز.»
افغانستان ناشرلر اتفاقی نینگ معلوماتی اساسیده، کابل ده ۱۰۰ کتاب نشریه‌سی و ۲۵۰ کتاب‌فروش‌لیک موجود، سونگی ییل‌لرده اولر دن ۳۰ فایزی فعالیت‌لرینی توخته‌تگن و ۹۰ فایزی ایسه، قوله‌ش خطری بیلن روپه‌ره دیر.
