پکتیا ولایتی گردیز شهری نینگ کتاب ساتووچی‌لریدن قطاری نینگ ایتیش‌لریچه، کتاب ساتیش و آلیش بازاری اوتمیش‌لرگه قره‌گنده ۸۵ فایز کمه‌یگن. اولر نینگ ایتیش‌لریچه، مملکت‌ده سیاسی اوزگریشلر، کتاب بازاری نی سُست‌لشتیرگن.
گردیز شهری نینگ کتاب ساتوچی‌لریدن محمدحکیم علمی وبسم‌الله گه کوره، تعلیمی نهادلر نینگ یاپیق قالگنی اولرنینگ ایش- فعالیت‌لریگه منفی تاثیر تشله‌گن. اولرنینگ ایتیشیچه، مکتب‌لر و بیلیم یورت‌لر ایشیگی باغلنگنی کیین کتاب بازاری هم سقوط قیلگن و کوپینچه کیشی‌لر اقتصادی قیینچیلک سبب کتاب‌لری نینگ ساتگنلر.
بیزلرنینگ فیسبوک صحیفه‌میزگه باش اورینگ!
کتاب ساتوچی‌لری نینگ ایتیش‌لریچه، اقتصادی قیینچیلیک باعث ینگی کتاب ساتیب آلالمه‌یدیلر. گردیز کتاب ساتوچی‌لردن بیری، بریالی خان نینگ علاوه قیلیشیچه، ییگیت‌لردن قطاری کتاب‌لری نینگ ساتیش نی ایسته‌یدی.
اونینگ سلام وطندار گه ایتیشیچه، «حاضرگی یامان وضعیت، قشاق‌لیک، ایش سیز‌لیک و اسلامی امارت نینگ ناتوغری یانده‌شیشی، یاش‌لرنی بیلیم اورگه‌نیشدن نا امید قیلگن. اولر قشاق‌لیک سبب کتاب‌لری نی ساتیب، عایله‌لری نینگ خره‌جتی نی تأمین قیله‌دیلر.»
عین حالده، پکتیا ولایتی معلومات و مدنیت ریاست باشلیغی خالق‌یار احمدزی نینگ ایتیشیچه، اولر یاش‌لرنی کتاب اوقیش گه تشویق قیلیش اوچون، کتابخانه ایجاد قیلیش گه سعی و حرکت قیله‌دیلر.
احمدزی نینگ کوپیتیریشیچه، اوچ تومن زرمت، سیدکرم و سمکنی تومن‌لری نینگ یالغیز بیر کتاب‌خانه‌سی بار و گردیز شهریده عمومی ییر کتابخانه بار که اوشبو کتابخانه گه ۸ مینگ جلد کتاب موجود و اولر کتاب اوقیدیگن کیشی‌لرگه کتاب‌خانه‌لرنی فعال قوییش اوچون حرکت قیله‌دیلر.
اونینگ سلام‌وطندار گه ایتیشیچه: «گردیز شهریده آلتی الی سکیز مینگ جلد کتاب گه ایگه بیر کتابخانه بار دیر، بیراق الماریسی یوق. بیز منظم و فعال کتابخانه گه ایگه ایمس‌میز و مطالعه اوچون بو ولایت معلومات و مدنیت ریاست بناسینی فعال قیلیش گه تلاش قیله‌میز.»
بیزلرنینگ توییترده هم تعقیب قیلینگ!
انه‌شو حالده، مطالعه قیلووچی‌لردن قطاری کتاب ساتیب آلمه‌سلیک دلیلی نی اقتصادی قیینچلیکلر دیب و باشقه بیر قطاری ایسه کیره‌کلی مطلب و موضوع‌لرنی انترنت دن قولگه کیلتیریش‌لرینی بیلدیرگن.
