جوزجان بیلیم یورتی ده کتاب اوقیش نی رواجلنتیریش اوچون یوزلرچه قیز و ایرکک طلبه آره‌سیده کتاب اوقیش سیناوی یولگه قوییلگن.
کتاب اوقیش سیناوی نی یولگه قویگن کیشیلر بو برنامه‌دن مقصد، اوقوچیلر و طلبه‌لر آره‌سیده کتاب اوقیش نی رواجلنتیریش دیب ایتیش‌لریچه، بونده‌ی برنامه‌لرنی یولگه قوییش بیلن ییگیتلرنی آیدین‌لیک تامان چقیریش گه حرکت قیله‌دیلر.
کتاب اوقیش سیناوی نی یولگه قویگن کیشیلردن بیری دین محمد رفعت، بو اقدام دن مقصد اجتماع ده کتاب اوقیش نی رواجلنتریش دیب و ییگیت‌لردن بونده‌ی برنامه‌لرگه شرکت قیلیش‌لرینی سوره‌گن.
اونینگ کوپه‌یتیریشیچه، بو پروسه بیلن انترنت باعث کتاب اوقیش دن اوزاق قالیب و وقت‌لرینی اجتماعی ترماق‌لرده اوتکزه‌دیگن ییگیتلرنی قیته‌دن کتاب اوقیش گه چقیریش گه حرکت قیله‌دیلر.
اوشبو رقابتی سیناوگه شرکت قیلگن‌لردن بیر قطاری نینگ ایتیش‌لریچه، بونده‌ی برنامه‌لر یولگه قوییلیشی ییگیتلرنی مطالعه گه تشویق قیلیش گه علاوه، اولرنینگ استعداد و ظرفیتی نی کورسته‌دی.
جوزجان بیلیم‌یورت طلبه‌لریدن بیری سخی مراد نینگ ایتیشیچه، بو کبی برنامه‌لر اوقوچیلر و طلبه‌لرنینگ ظرفیتی یوقاری کیتیشی اوچون زمینه یره‌ته‌دی. اونگه کوره، ییگیتلرنی کتاب اوقیش گه تشویق قیلیش اوچون یولگه قوییله‌دیگن هر بیر برنامه‌دن حمایت قیله‌دیلر.
جوزجان بیلیم یورت طلبه‌لریدن باشقه بیری جوره‌بیک واحدی نینگ ایتیشیچه، اوشبو رقابتی سیناو یولگه قوییلیشی ییگیت‌لرگه استعداد و کوچی نی کورسه‌تیش اوچون انگیزه بیره‌دی.
باشقه بیر تاماندن جوزجان معلومات و مدنیت ریاست مسئوللری، بو ولایتده کتاب اوقیش نی رواجلنتیریش اوچون بونده‌ی برنامه‌لر یولگه قوییلیشی نی خوش قرشی‌لگن.
