جوزجان بدن تربیه‌لش مسئوللری نینگ ایتیش‌لریچه، سونگی پیت‌لرده بو ولایتده تینچلیک و اوروش یکونله‌نیشی نامیده عیاللرنینگ حمایتی بیلن سپورت بیله‌شوولری کوپه‌یگن و هر هفته بیر مرته یولگه قوییله‌دی.

جوزجان بدن تربیه‌لش آمری محمدصدیق فاییز نینگ ایتیشیچه، اوشبو بایسکل هیده‌ش بیله‌شوویده ۳۰ عیال سپورتچی شرکت قیلگن.

جناب فاییز نینگ کوپه‌یتیریشیچه، عیاللر بونده‎ی بیله‌‎شوولرنی یولگه قوییش بیلن بو ولایتده بایسکل هیده‌ش نی رواجلنتیریب و ییگیت‌لرنینگ مخدره ماده گه یوز کیلتیریشی گه توسیق بولیش اوچون حرکت قیلیشه‌دی.

سپورتچی‌لردن قطاری بونده‌ی بیله‎‌شوولر یولگه قوییلیشی نی تینچلیک تأمین‌لنیشی و زوروانلیک یوق ایتیلیشی اوچون اونملی دیب و بونده‌ی برنامه‌لرنینگ دوامی اوستیگه اورغولشگن.

مذکور بیله‌شووده ایکینچی اورین نی قولگه کیلتیرگن زهرا نینگ ایتیشیچه، بونده‌ی برنامه‌لر عیاللرنی ترغیب قیلیش گه علاوه اولرگه ترقیات زمینه‌سی هم یره‌ته‌دی.

اونگه کوره، عیاللرنی سپورت گه اینیقسه بایسکل هیده‌ش گه ترغیب قیلیش اوچون بونده‌ی برنامه‌لرنینگ کوپه‌یشی کیره‌ک.

جوزجان عیاللر ریاستی مسئوللری بو ولایتده عیاللر آره‎سیده سپورت بیله‎شوولری یولگه قوییلیشی نی خوش قرشی‌لب و بونده‌ی برنامه‌لرنینگ کینگه‌یشی اوستیگه اورغوله‌گن.

جوزجان عیاللر ریاستی باشلیغی مسلمه غنی زاده نینگ ایتیشیچه، عیاللر بونده‌ی برنامه‌لرنی یولگه قوییش بیلن تینچلیک طلب سیسی چیقاریب و اوروش یکونله‌نیشی نی کوتیب توره‌دیلر.

اوشبو بایسکل هیده‌ش بیله‌شوویده شبنم، زهرا و ستاره بیرینچی،‌ ایکینچی و اوچینچی مقام نی قولگه کیلتیرگن.

مرتبط با این خبر:

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام