اوتگن ییل اجتماعی ترماقلر آرقه‌لی «اوزبیکی کتاب‌لرینی معارف وزیرلیگی انباریدن چیقارینگ» نامیده بیر کمپاین یولگه قوییلگن ایدی و معارف وزیرلیگی اوزبیکی کتاب‌لر چاپ و توزیع ایتیلیشیدن ایشانچ بیرگن ایدی، لیکن حاضرگه‌قدر عملگه آشیریلمه‌گن.

معارف وزیرلیگی نینگ ایشانچی عملگه‌ آشیریلمه‌‎گنی سبب، اروپا ده تیریک‌چیلیک قیله‌دیگن افغانستان‌لیک بیرقطار مهاجرلر ۳ مینگ جلد اوزبیکی کتاب‌نی چاپ و تخار مکتب‌لرگه توزیع ایتیلیشی‌‎گه زمینه یره‌تگنلر.
اوزبیکی کتاب‌لرنی چاپ و تخار مکتب‌لریده توزیع قیلیش مسوول‌لریدن بیری بشیراحمد سنقرنینگ سلام‌وطندارگه ایتیشیچه، اوشبو کتاب‌لرنینگ چاپ قیلیش پولی اروپا ده تیریک‌چیلیک قیله‌دیگن بیلیم سیوره کیشی‌لر تامانیدن بیریلگن.

سلام‌وطندار اوزبیک بولیمی‌نی فیسبوک‌ده تعقیب قیلینگ

عین‌حالده، تخار ولایتی نینگ دشت‌قلعه تومنی اوقیتووچی‌لریدن بیرقطاری نینگ ایتیش‌لریچه،

مکتب‌لرده اوزبیکی کتاب‌لرنینک کم‌لیگی اساسی قیین‌چیلیکلردن دیر و اوشبو کتاب‌لر توزیع ایتیلیشی بیلن بولگن قیین‌چیلیکلرنینگ کته بیر بولیمی حل ایتیله‌دی.



شونینگدیک، مذکور کتاب‌لرنینگ چاپ قیلیش اوچون زمینه‌‌یره‌تگنلرنینگ ایتیش‌لریچه، اوقووچی‌لرنینگ قیین‌چیلیکلرینی درک قیلیش بیلن معارف‌گه یاردم بیریش اوچون سعی و حرکت قیلگنلر.

اوشبو کتاب‌لرنینگ چاپ قیلینیشی‌گه مالی یاردم بیرگن‌لردن بیری انجنیر نجم‌الدین محمودی نینگ ایتیشیچه، تخار مکتب‌لریده اوزبیکی کتاب‌ بولیمی‌ده بولگن قیین‌چیلیکلرنی حل قیلیش اوچون او و اروپا ده تیریک‌چیلیک قیله‌دیگن باشقه کیشی‌لر سعی و حرکت قیلگن و نهایتده کتاب‌لر چاپ و اوقووچی‌ باله‌لر اختیاریگه قرار بیریلگن.

عین‌حالده، تخار ولایتی نینگ دشت‌قلعه تومنی بوییچه معارف آمری فیروز صمدی نینگ اروپا ده تیریک‌چیلیک قیله‌دیگن کیشی‌لرنینگ و حرکتی‌نی خوش قرشی‌لب ایتیشیچه، بو کتاب‌لر اوقووچی‌لر نینگ کتاب کم‌لیگی خصوصیده بولگن قیین‌چیلیکلریدن ۷۵% حل قیله‌دی.

تخار ولایتی نینگ دشت‌قلعه تومنی بوییچه معارف آمرلیکی رسمی‌لریگه کوره، اوشبو تومنده ۲۱۲۹۲ طلبه تعلیم کوریش بیلن مصروف بولیب و اولردن ۸۰% کتاب کم‌لیگی بیلن روپه‌ره بولگنلر.

مرتبط با این خبر:

کلیدی کلمه‌لر: // //

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام