جوزجان ولایتی بوییچه معارف ریاستی مسووللری نینگ ایتیش‌لریچه، اوشبو ولایت یشاوچیلری ۲۰ مکتب قوریلیشی اوچون ۲۰ بولک ییرنی رایگان شکلده معارف ریاستی نینگ اختیاریگه قویگن.
معارف ریاستی مسووللری، جوزجان یشاوچیلری نینگ بو حرکتیدن منت‌دارلیک بیلدیریب و بونده‌ی یاردم‌لر دوام تاپیشی اوستیگه تاکید قیلگنلر.
جوزجان ولایتی بوییچه معارف ریاستی سرپرستی صالح محمد صالح نینگ ایتیشیچه، اوشبو ولایت یشاوچیلری مکتب قوریلیشی اوچون ۲۰ بولک ییرنی رایگان شکلده معارف ریاستی نینگ اختیاریگه قرار بیرگنلر.
جناب صالح نینگ کوپه‌یتیریشیچه، جاری ییلده اهالی تامانیدن ییر قولگه کیلتیرگن‌لری چیککه‌سیده، معارف ریاستی‌گه تیگیشلی بولگن ییرلرنی هم غاصب‌لر قولیدن آلگنلر و کیله‌سی ییلده ینگی بنالر قوریلیشی خصوصیده سعی و حرکت قیلینه‌دی.
عین‌حالده، جوزجان یشاوچی‌لریدن بولمیش عبدالمتین و قویان نینگ اوشبو انسان دوست‌لیک حرکت‌نی خوش قرشی‌لب ایتیش‌لریچه، ینگی بنالر قوریلیشی بیلن اوقووچی‌لرگه مناسب مکانلر یره‌تیله‌دی و بوتوغریده بولگن قیین‌چیلیکلرنی حل بولیشی ممکن.
اولر، بونده‌ی برنامه‌لر دوام قیلیشی و معارف‌گه یاردم بیریلیشی‌نی بیر فرهنگ گه اوزگریلیشی اوستیگه تاکید قیله‌دیلر.
شونینگدیک، مکتب اوقیتووچی‌لریدن بیرقطاری نینگ معارف گه ییر بیریلیشیدن حمایت بیلدیریب ایتیش‌لریچه، بو ولایت یشاوچیلری معارف گه ییر اهدا قیلیش بیلن باله‌لرینی جهالت و بدبخت‌لیک دن بیلیم تامان هدایت قیله‌دیلر.
