تخار معارف ریاست مسئوللری نینگ سلام‌وطندارگه ایتیش‌لریچه، طالبان بو ولایتده قیزلرنینگ مکتب کیتیشی گه توسیق بولگن. مسئوللرگه کوره، طالبان گروهی نینگ آدم‌لری مذکور ولایت نینگ «قلبرس» و «چایله» قیشلاق‌لریده قیزلرنینگ مکتب باریشی گه رخصت بیرمه‌گن.
تخار معارف مسئوللری نینگ بیاناتی اساسیده، گرچند طالبان بوگون ایرته‌لب (سه‌شنبه ۱۲- حوت) قلبرس قیشلاغیده منطقه اهالیسی نینگ اَره‌لشووی بیلن قیزلرگه مکتب باریش اوچون رخصت بیرگن، بیراق مذکور ولایت بهارک تومنی نینگ «چایله» قیشلاغیده‌گی قیزلرنینگ قیینچلیک‌لری حاضرگچه حل بولمه‌گن.
گزارشلر اساسیده، تخار ده طالبان نظارت‌لریده‌گی منطقه‌لرده قیزلرنینگ ۶- صنف دن یوقاری گه درس اوقیش اوچون رخصت بیریلمه‌یدی. طالبان حاضرگچه بو حقده فکر بیلدیرمه‌گن.
