پاکستان باش‌وزیری عمران خان، تاجیکستان جمهوررئیسی امام‌علی رحمان بیلن تلفنی بیر علاقه قوریب و افغانستان وضعیتی توغریسیده سوزلشگن. تاجیکستان جمهورلیک ریاست دفتری، مذکور تلفنی علاقه اوتگن کون (شنبه ۱۰- میزان) صورت تاپگنی نی اعلام قیلگن.
تاجیکستان جمهورلیک ریاست دفتری نینگ اعلامی اساسیده، مذکور تلفنی سوزلشووده اوشبو مملکت جمهوررئیسی و پاکستان باش‌وزیری افغانستان وضعیتی اوستیگه تأکید قیلیشگن. امام‌علی رحمان نینگ ایتیشیچه، افغانستان وضعیتی تاجیکستان نینگ توجه‌سیگه دیر؛ چونکه بو مملکتده یوز بیره‌دیگن همه حادثه‌لر منطقه خوفسیزلیک وضعیتی اوستیگه توغری تأثیری بار.
تاجیکستان جمهوررئیسی نینگ اورغولشیچه، تورلی حربیلر آره‌سیده جامع سوزلشوو ایجاد ایتیلیشی، افغانستان ده تینچلیک و برقرارلیککه سبب بوله‌دی. جناب رحمان مذکور پروسه گه دخیل تامان‌لرگه همکارلیک قیلیش اوچون مملکتی نینگ تیاگرلیگی نی اعلام قیلگن.
بیزلرنینگ فیسبوک صحیفه‌میزگه باش اورینگ!
عین حالده، پاکستان باش‌وزیری دفتری نینگ اعلام قیلیشیچه، عمران خان و امام‌علی رحمان افغانستان ده ملی تینچلیک نینگ اهمیتی اوستیگه اورغوله‌گن. عمران خان نینگ ایتیشیچه، افغانستان اهالیسی نینگ انسان‌دوستلیک احتیاج‌لری تیزلیککه رفع ایتیلیشی کیره‌ک و دنیا جماعه‌چیلیگی بو اهالی گه یاردم بیریشی کیره‌ک.
شونینگدیک عمران خان ۲۶- سنبله ده شانگهای همکارلیک تشکیلات رهبرلری ییغینی گه شرکت قیلیش اوچون تاجیکستان پایتختی دوشنبه گه باریب و افغانستان باره‌سیده امام‌علی رحمان بیلن بحث قیلگن ایدی.
عمران خان، افغانستان تاجیک‌لری و طالبان آره‌سیده صلح قیلیش خصوصیده اورغوله‌گن ایدی. او مذکور سفر دن کیین، طالبان حکومتی تاجیک‌لر، هزاره‌لر و اوزبیک‌لرنینگ شامل قیلیش اوچون سوزلشوو باشله‌گنی نی اعلام قیلدی.
بیزلرنینگ توییترده هم تعقیب قیلینگ!
باشقه بیر تاماندن طالبان و تاجیکستان آره‌سیده‌گی جنجللر روسیه نی خواطرلنتیرگن. روسیه، تاجیکستان و طالبان دن آره‌لریده‌گی جنجل‌لرنی تیزلیککه حل قیلیش‌لرینی سوره‌گن. روسیه تشقی ایشلر وزیرلیگی نینگ ایتیشیچه، طالبان نینگ معلوماتی اساسیده، ۱۰ مینگ‌لرچه خاص حربی تخار ولایتی و چیگره منطقه‌لرده جایلشگن.
شونینگدیک طالبان هم تاجیکستان نی افغانستان ایچکی ایش‌لریگه دخالت قیلیش گه عیبلب و اونینگ دوامی تاپیشی توغریسیده آگاه‌لنتیرگن.
