سی‌ان‌ان خبری شبکه‌سی نینگ گزارش بیریشیچه، آمریکا جمهوررئیسی جو بایدن نینگ دولتی بو مملکت قانون گذارلیگی گه ایتگن که پاکستان بیلن رسمی بیر کیلیشووگه یقیین‌لشماقده. بو کیلیشوو افغانستان گه حربی و اطلاعاتی عملیات یولگه قوییش اوچون پاکستان هوایی حریمی دن فایده‌لنیش دیر.
سی‌ان‌ان بو موضوع نی بایدن دولتی نینگ آمریکالیک قانون‌گذارلری بیلن اوتکزگن ییغینیده‌گی اوچ منبع دن نقل قیلیب گزارش بیرگن. بو منبع‌لردن بیری نینگ ایتیشیچه، آمریکا پاکستان هوایی حریمی دن فایده‌لنیش بیلن افغانستان ده حربی و اطلاعاتی عملیات یولگه قوییش توغریسیده سوزلشوولرنی دوامی بار. منبع نینگ کوپه‌یتیریشیچه، کیلیشوونینگ شرط‌لری حاضرگچه نهایی بولمه‌گن و هر لحظه اوزگریشی ممکن.
ایکینچی منبع نینگ سی‌ان‌ان گه ایتیشیچه، پاکستان بو کیلیشوونینگ امضالش اوچون شرط قویگن. بو شرط هند بیلن علاقه‌لرنی مدیریت قیلیش و ترورچیلیک اقدام‌لریگه پاکستان گه یاردم بیریشی دیر. بیراق اوچینچی منبع نینگ ایتیشیچه، پاکستان بو کیلیشوونامه نینگ امضالش بدلی ده آمریکا دن نیمه ایسته‌شی بیللی ایمس دیر. اوچینچی منبع گه کوره، آمریکا قنچه‌لیک پاکستان نینگ ایسته‌گی گه تن بیریشی هم بیللی ایمس.
بیزلرنینگ فیسبوک صحیفه‌میزگه باش اورینگ!
سی‌ان‌ان نینگ گزارشی اساسیده، آمریکا افغانستان ده داعش گروهی نینگ خراسان شاخه‌سیگه و باشقه مخالف‌لریگه قرشی عملیات یولگه قوییش اوچون ایشانچ قولگه کیلتیریش نی ایسته‌یدی.
شونده‌ی بیرحالده، حاضرگچه ایکی مملکت آره‌سیده هیچ قنده‌ی کیلیشوو صورت تاپمه‌گن. بیراق سی‌ان‌ان نینگ ایتیشیچه، بو کیلیشوو صورت تاپمه‌گن بیرحالده، پاکستان آمریکالیک اوچووچی‌سیز اوچاق نینگ افغانستان گه کیریشی نینگ آلدینی آلیش خطری بار.
بولرگه علاوه، مذکور گزارش ده اوزبیکستان و تاجیکستان هوایی پایگاه‌لریدن فایده‌لنیش هم مطرح قیلینگن. بو مملکت رسمی‌لری بوندن آلدین اوشبو موضوع گه قرشی‌لیک کورستگن ایکن.
