دوحه ده آمریکا و اسلامی امارت هیاتلری آرهسیدهگی ایکی کونلیک سوزلشوو یکونلنگن و ایکی تامان آمریکا نینگ انسان دوستلیک یاردملری دوام تاپیشی خصوصویده کیلیشگنلر.
بیزلرنینگ فیسبوک صحیفهمیزگه باش اورینگ!
دوحه ده اسلامی امارت سیاسی دفتری سوزلاوچیسی محمدنعیم نینگ ایتیشیچه، اوشبو سوزلشوولرده آمریکا، بشری نهادلرگه یاردم ییتیشتیریش زمینهسینی یرهتیشدن ایشانچ بیرگن. اونینگ ایتیشیچه، سوزلشوولرده انسان دوستلیک یاردملرنی سیاسی مسلهلرگه پیوند بیریلمهیشی اوستیگه تاکید قیلینگن.
اوشبو سوزلشوولرده اسلامی امارت مسووللری نینگ تاکید قیلیشیچه، یاردملرنینگ تینیقلیگی و اونینگ نیازمند کیشیلرگه ییتیشتیریلیشی خصوصیده خیریه نهادلر بیلن ایشلهیدیلر. بوندن آلدین آمریکا انسان دوستلیک یاردملر دوام تاپیشیدن خبر بیرگن ایدی، لیکن اوشبو یاردملر اسلامی امارت حکومتی آرقهلی صورت تاپمهیشینی ایتگن ایدی.
دوحه ده اسلامی امارت سیاسی دفتری سوزلاوچیسی نینگ کوپهیتیریشیچه، چیتایللیکلرنینگ افغانستانگه کیلیب-کیتیشلری اوچون اصولی شکلده زمینه یرهتیلهدی. اونینگ ایتیشیچه، اوشبو ییغینده دیپلماتیک رابطهلر یخشیلنیشی اوچون سعی و حرکتلر صورت تاپگن.
آمریکا تشقی ایشلر وزیرلیگی بحث قیلینگن مسلهلردن یاد قیلگن، لیکن کیلیشوو حقیده فکر بیلدیرمهگن. اوشبو وزارت نینگ ند پرایس دن نقل قیلیب ایتیشیچه، اوشبو سوزلشووده آمریکا هیاتی تروریستی خواطرلرینی بیان قیلگن.
بیزلرنینگ فیسبوک صحیفهمیزگه باش اورینگ!
آمریکا تشقی ایشلر وزیرلیگی سوزلاوچیسی ند پرایس نینگ کوپهیتیریشیچه، انسان حقلری، جماعه ده قیزلر و عیاللر نینگ معنالیک مشارکتی و آمریکا نینگ انسان دوستلیک یاردملر نینک ارایه ایتیلیشی حقیده بحث قیلینگن.
اسلامی آمارت و طالبان آرهسیدهگی سوزلشوولر اوتگن “شنبه” کونی باشلنگن ایدی و ایکی کون دوام قیلگن.