اسلام امیرلیگی سوزلاوچیسی ذبیح‌الله مجاهد، قندهار ولایتیده ییریک سمنت ایشلب چیقریش «شوراندام» فابریکه‌سی‌نینگ آچیلیشی بیلن بیرگن بیاناتیده، اوشبو فابریکه کونیگه بیرمینگ ۵۰۰ تُن سمنت ایشلب چیقریش قووتیگه ایگه ایکنینی معلوم قیلدی.
مجاهد، بوگون (۸ عقرب/۳۰ اکتوبر، جمعه) ایکس اجتماعی ترماغیده یازیشیچه، کیلگوسیده اوشبو فابریکه‌نینگ ایشلب چیقریش قووتینی کونیگه ۵۰۰۰ تُن سمنت گچه آشیریش ریجه‌لشتیریلگن.
اسلام امیرلیگی سوزلاوچیسی‌نینگ کوپه‌یتیریشیچه، اوشبو فابریکه‌نینگ آچیلیشی بیلن افغانستان سمنت ایشلب چیقریش ساحه‌سیده اوزینی اوزی تأمینلش یولیده ینه بیر قدم تشله‌گن.
«شوراندام» سمنت ایشلب چیقریش فابریکه، اوتگن کونی اسلام امیرلیگی باش وزیری‌نینگ اقتصادی اورین بساری ملا عبدالغنی برادر اشتراکیده قندهار ولایتیده آچیلدی.
