قرغیزستان جمهور باشلیغی صدر جباروف، انقرهده بولیب اوتگن «تورکی دولتلر» تشکیلاتی رهبرلرینینگ ۱۳ ییغیلیشیده، تورکیهنینگ سیاسی، اقتصادی، حربی و تکنالوژی ساحهلردهگی یوتوقلرینی یوقاری بهالهدی.
او، رجب طیب اردوغاننینگ میزبانلیک قیلگنی اوچون منتدارلیک بیلدیریب، تورکیه اونینگ رهبرلیگیده خلقارا میداندهگی موقعی و اعتبارینی آشیرگنینی معلوم قیلدی.
جباروف شونینگدیک، تورکیهنینگ یقین شرقده برقرار تینچلیک اورنهتیشگه قرهتیلگن تشبثلرینی قوللب-قوتلشینی بیلدیردی همده تورکیه جمهوریتی کونی مناسبتی بیلن اوشبو مملکت حکومتی و خلقینی تبریکلهدی.
تورکی دولتلر تشکیلاتی ۱۳-ییغیلیشی، بوگون (۸ عقرب/۳۰ اکتوبر، جمعه) تورکیه (میزبان)، آذربایجان، اوزبیکستان، قزاقستان و قرغیزستان دولتلری ییریک رسمیلرینینگ اشتراکیده اوتکزیلدی.



