اوزبیکستان جمهور باشلیغی شوکت میرضیایف، تورکیه پایتختی انقره شهریده بولیب اوتگن «تورکی دولتلر» تشکیلاتی رهبرلری‌‌نینگ ۱۳ ییغیلیشیده، «تورکی مملکتلر سیاحتچیلیک اویوشمه‌سی» توزیلیشینی تکلیف قیلدی.
شوکت میرضیایف اوز چیقیشیده تورکی دولتلر اورته‌سیده خارج گه چیقیش پاسپورت‌سیز، فقط «آی‌دی-کارت» بیلن سفر قیلیش امکانیتینی کینگه‌یتیریشنی تکلیف قیلگن.
اونگه کوره: «توریزم ساحه‌سیده‌گی اولکن امکانیت‌لرنی هم تولیق ایشگه سالیشی‌میز لازم. بیرگینه ۲۰۲۲ ییلده دولتلریمیز گه ۴۰ میلیون‌دن زیاد خارجی سیاحلر تشریف بویردی. تورکی خلقلرنینگ تاریخی شهرلری، بی‌تکرار طبیعتی، بای مدنیتی و مهمان‌دوستلیک عنعنه‌لرینی دنیا گه بیرگه‌لیکده تقدیم ایتیش مقصدیده تورکی مملکتلر سیاحتچیلیک اویوشمه تشکیل قیلیش وقتی کیلدی.»
اونینگ کوپه‌یتیریشیچه: «اهالی‌میز اوزاغینی یقین، آغیرینی یینگیل قیلیش اوچون فقرالرنینگ اوزارا سفرلری توغریسیده‌گی کوپ تامانلمه بیتیم ایشلب چیقیش‌نی تکلیف ایته‌میز. اونده آی‌دی-کارت‌لر اساسیده سفر قیلیش امکانیت‌لرینی کینگه‌یتیریش، چیگره‌ده اوتیش و میزبان دولت حدودیده بولیش ترتیبینی ساده‌لشتیریش مسئله‌لرینی عکس ایتیریشی‌میز لازم.»
تورکی دولتلر تشکیلاتی ۱۳-ییغیلیشی، بوگون (۸ عقرب/۳۰ اکتوبر، جمعه) تورکیه (میزبان)، آذربایجان، اوزبیکستان، قزاقستان و قرغیزستان دولتلری ییریک رسمی‌لری‌نینگ اشتراکیده اوتکزیلدی.
