اسلام امیرلیگی اخبارات و مدنیت وزیرلیگی‌نینگ سیاحتچیلیک، مالی و اداری اورین باسری قدرت‌الله جمال، کابل‌ده قطر ایلچیسی علی مردف القاشوی بیلن اوچره‌شووده، افغانستان و قطر اورته‌سیده سیاحتچیلیک همکارلیک‌نی کینگه‌یتیریش و مستحکم‌لش حقیده بحث ایتگن.
اوشبو وزیرلیک، بوگون (۲ میزان/۲۴ سپتمبر، پنج‌شنبه) ایکس اجتماعی ترماغیده بیر بیانیه ترقه‌تیب بو حقده خبر بیردی.
بیانیه گه کوره، تامانلر اوشبو اوچره‌شووده قطرلیک سیاحتچیلرنینگ افغانستان گه کیلیشی، مملکت طبیعی و تاریخی جاذبه‌لرینی تنیشتیریش، قطر سوداگرلری‌نینگ افغانستان‌ده سرمایه کیریتیشی و باشقه مسئله‌لر بحث گه آلینگن.
قطر، افغانستان اسلام امیرلیگینی رسمی تن آلگن بولمسه-ده، بیراق بو دولت بیلن تورلی ساحه‌ده یقین علاقه‌ده بولگن مملکتلردن سنله‌دی.
